Jehovapa ankupäkinimpita agradecikur
1 Manaraq cristianu karninmi, allapa chikikoq karqan apóstol Pablo y manam munarqantsu cristianukuna mirayänanta. Mana musyarninmi tsetaqa rurarqan, tsemi Diosnintsik ankuparqan. Allapa graciayoq kanqantam Jehovaqa rikätserqan, tsemi willapäkunampaq mandarqan, y tse rurëtaqa Pablo allapam kuyarqan (Hech. 26:9-18; 1 Tim. 1:12-14). Jehovapa ankupäkininta allapa agradecikurmi, Pablo kallpachakorqan willapäkininta cumplirnin (2 Cor. 12:15).
2 Jehovaqa hatun ankupäkininchomi noqantsiktapis nimarqontsik willapäkunantsikpaq (2 Cor. 4:1). Noqantsikpis Pablonomi rikätsikuntsik Jehovapa ankupäkininta agradecikonqantsikta, más kallpachakurnin wakin nunakunata yanaparnin Jehovata reqiyänampaq. Tseta logranapaqqa qallanantsikmi estudiu biblicukunata.
3 Estudiu biblicukunata qallanapaq: Estudiuta qallanapaqqa, munaq nunakunapaqmi imepis revistankuna apanantsik. Tsemi revistankuna apashqa, musyashun ima problemankuna kanqantapis. Tiempuwanqa, wakin revistakunapita leyishqankunam yanapamashun Exige folletuwan estudiuta qallanapaq. Yapë revistankuna apapurnenqa allichi yachatsishwan tse folletuwan.
4 Dios mañakitam y kallpachakitam necesitantsik: Diosta mañakimi y alli kallpachakimi alliyätsenqa willapäkinintsikta. Huk precursorapam hukllella estudiantin kapurqan, tsemi Jehová Diosta mañakorqan más estudiuwan bendicinampaq. Hinamampis mañakonqannomi rurarqan. Willapäkininta rikarninmi cuentata qokurqan, revisitakunata rurarnin mana estudiu biblicukunata ofrecikonqanta. Keta rurar qallëkuptinmi, ishkaq pewan estudiar qallekuyarqan.
5 Kapamantsik huk hatun privilegium ‘Diospa graciampita willapäkunapaq’ (Hech. 20:24). Diospa ankupäkininta agradecikimi, yanapamashwan ime horapis kallpachakunapaq wakinkunata yanapanapaq, pekunapis Jehovapa graciancho kayänampaq.