Alleq pensanapaq videu
“Kë videuqa razumpam pensatsishunki.”
“¡Kikin shonqüyaqmi chärerqan!”
“¡Allapam kushikïkorqa!”
1 Kë videu Los jóvenes preguntan... ¿Cómo conseguir amigos verdaderos? yarqaramushqanllacho rikarnin, ¿tsenoku qampis sientikorqeki? Pasaq watakunachomi huk jovinllaraq wawqintsik tukilaya problemakunata pasëkarqan mana alli amigunkunata wiyarnin. Pekunam rurayarqan Diosman mana interesanampaq, hina Jehovawan amigun kenintapis oqrarerqanmi. Tseno pasekaptinmi yarqaramorqan kë videu Amigos verdaderos. Pemi keno nin: “Kë videuta kutin kutin cada rikaptimi qaqlläpa weqi shikwaramorqan. Allapam Jehovata agradecikorqa precisu tiempucho yanapamanqanta”. Kë videum yanaparqan huklayana kawanampaq y alli amigukunata ashinampaq. Hina ninmi: “Qamkunaqa altantum kekäyanki llapan jovinkuna ima pasanqantapis”. Papäkuna y wambrakuna, ¿imanirtaq yape estudiu de familiacho rikäriyankitsu kë videuta? Cada seccioncho päratsiye, shumaq llapëkikuna mana mantsakushpa parlariyänekipaq.
2 Qallanan: ¿Imanötaq razumpa amiguqa? (Pro. 18:24.)
3 Imanirtaq sasa alli amigukuna tarina: Imataraq rurankiman, ¿manam pipis kuyamantsu mana ninekipaq? (Fili. 2:4.) ¿Imanirtaq huklaya keta munankiman y pitaq yanapashunkiman más alli kanekipaq? ¿Imataq yanapashunkiman más amiguyoq kanekipaq y mechotaq alli amigukunata tarinkiman? (2 Cor. 6:13.)
4 Dioswan amigu: ¿Imanötaq Jehovaman más witinkiman y imanirtaq alli kallpachakunantsik? (Sal. 34:8.) Dioswan amigu kanekipaq, ¿pikunataq más alli yanapashunkiman?
5 Mana convienishoqniki amigukuna: ¿Pikunataq mana alli amigukuna kayanman? (1 Cor. 15:33.) ¿Imanötaq mana alli amigukuna ishkitsishunkiman espiritualmenti? ¿Imatataq yachakunki Dina pasanqampita? (Gén. 34:1, 2, 7, 19.)
6 Kanan tiempucho pasanqankuna: ¿Imataq Tärata pasarqan hapallanlla kakunqancho? ¿Consejayaptin imatataq nerqan mana alli amigunkunapaq? ¿Ima peligrukunamantaq apayarqan tse mana alli amigunkuna? ¿Imanirtaq papaninkuna rikäyarqantsu ima peligrucho wambran kekanqanta, peru, tsepita imanötaq yanapayarqan espiritualmenti alli kanampaq? ¿Imanötaq huk precursora rikätserqan Tärata razumpa amigan kanqanta? ¿Imanirtaq cristianuno casushwan Proverbios 13:20 y Jeremías 17:9 nishqanta? ¿Ima allitataq yachakorqan Tara?
7 Ushanan: ¿Imakunatataq yachakorqonki kë videupita? ¿Imanötaq inshinkiman wakinkunata yanapanekipaq? (Sal. 71:17.)