Imanötaq revistakunawan yachatsikushwan
La Atalaya 15 de noviembre
“Kë munducho atska mana alli rurëkuna kaptinmi, wakin nunakuna niyan, allillatsuraq kallpachakushwan alli kaqkunata rurarnin. ¿Imëllapis tseno sientikorqonkiku? [Shuyäri contestashunekita.] Rike kë shumaq textu biblicu nishqanta [leyi Proverbios 2:21, 22]. Kë revistam willapämantsik imanirmi allapa precisu rurëkanantsik alli kaqta musyanqantsiktaqa.”
¡Despertad! Noviembre
“Kayanmi keno pensaq nunakuna, llapankunaqa pasakun Diospa voluntanin kaptinmi, tsemi huk desgracia kaptenqa niyan Diosmi tseno pasakunanta munarqan. ¿Tsenoku qampis pensanki? [Shuyäri contestashunekita y tsepita leyirapi Santiago 1:13.] Kë revistam yachatsimantsik Biblia nishqanta imanirmi sufrimientukuna kan y imatam Dios ruranqa ushakätsinampaq.”
La Atalaya 1 de diciembre
“¿Qam ninkimantsuraq Bibliacho kë profecía nishqan kanan tiempuntsikcho cumplikëkanqanta? [Leyi Mateo 24:11 y tsepita shuyäri contestashunekita.] Kë revistam willamantsik ima yachatsikïkunam mirashqa y hina yachatsimantsikmi imanomi cuidadu kanantsik mana razumpa kaqta yachatsikoqkunapita.”
¡Despertad! Diciembre
“¿Pï nunapaqtaq ninkiman imëpitapis más reqishqa y alli yachatsikinin kanqanta? [Shuyäri contestashunekita.] Atskaq nunakunam niyan Jesucristopaq. Rikäriki imatam pë ruranqa nunakunapaq Diospa Reinuncho gobernamurnin [Rikätsi paginakuna 8 y 9 dibujunkunata y tsecho huk copiashqa textu biblicuta leyi]. Kë revistam willamantsik imanomi y imëmi keta ruranqa.”