¿Listoku këkanki ima desgraciapaqpis?
1. ¿Imanirtaq alläpa alli alistakunantsik ima desgraciakunapaqpis?
1 Atska millón nunakuna y atska wawqintsikkunapis, cada watam pasayan terremotokunata, mantsakepaq shukukïkunata, tamyakunata, huracankunata y lloqllakunata. Kë desgraciakunaqa pasakun mana musyanqantsik horam y noqantsikpis tse desgraciakunapa pasashwanmi, tsëmi más alleqqa alistakunantsik (Pro. 21:5).
2. ¿Imanirtaq ancianokunata willanantsik direccionnintsikta y telefonontsikpa numeronta cambiashqa kaptenqa?
2 Manaraq desgracia pasakuptin: Horaqa autoridadkunam willamantsik manaraq tse desgraciakuna pasakuptin. Tseno kaptenqa alläpa precisom wiyakunantsik (Pro. 22:3). Tseno pasakuptenqa, ancianokunam procurayan parleta congregacioncho llapan wawqikunawan y alistayan shumaq yanapanakuyänampaq. Desgracia pasariptinnam, pëkuna kallpachakuyan parlayänampaq Salonman llapan ewaqkunawan, musyayänampaq allikush këkayan y necesitayankush yanapakita. Pero, wawqikunapa direccionnin y telefonompa numeron huk listacho pasakashqana kaptenqa, más valeq tiempotam perdiyanqa. Tsëmi alläpa preciso publicadorkuna secretariota y superintendente de estudio de libro wawqita, willayänan direccionninta y telefonompa numeronta cambiashqa kaptenqa.
3. Seguido desgraciakuna pasakoq markacho tärashqaqa, ¿imanötaq ancianokunata yanapashwan?
3 Congregación kaq markacho seguido desgraciakuna pasakuptenqa, ancianokunam mañayanqa publicadorkunapa huk ladocho täraq familiampa o amigompa telefonompa numeronta, ima emergenciakunapis kaptenqa pëwan parlayänampaq. Kë ruremi yanapanqa ancianokuna tariyänampaq wayimpita escapashqakunata. Itsa ancianokuna pensayanqa imano congregacioncho rurayänampaq listo kayänampaq ima desgraciakunapis kaptin, llapankuna katsiyänampaq huk listacho más punta necesitayänqankunata y qeshyaqkunata imano yanapayänampaqpis. Alläpa precisom kë kuyakipa arreglokunacho llapankuna yanapakuyänan (Heb. 13:17).
4. ¿Imataraq rurankiman markëkicho huk desgracia pasakuptenqa?
4 Desgracia pasariptin: ¿Imataraq rurankiman markëkicho huk desgracia pasakuptenqa? Rikë familiekipa llapan necesidadninkuna atendikänampaq. Puedenqekimanno yanapë wakinkunatapis. Imanöpapis parle superintendente de estudio de libro nishqanwan o huk ancianowampis tse desgracia pasarenqanllacho. Këtaqa ruranekim, alli këkarpis o yanapakita mana necesitëkarpis. Yanapakita necesitaptikeqa, yarpänekim, wawqikikunaqa llapan puedeyanqantam rurëkayan shumaq yanapayäshunekipaq (1 Cor. 13:4, 7). Yarpë, Jehovaqa imano këkanqekitapis rikarëkamunmi, confiaki, pëqa yanapashunkim (Sal. 37:39; 62:8). Mäkoq mäkoqlla kë wakinta shumaq espiritualmente yanapanekipaq y animanekipaqpis (2 Cor. 1:3, 4). Tsepita huklla qallë rurarnin llapan espiritual rurëkunata (Mat. 6:33).
5. ¿Imanötaq cristianokuna kayan desgraciakuna chämunanta musyarnin?
5 Rasunmi, kë desgraciakunaqa llapan nunakunatam mantsakätsin, pero noqantsik cristianokunaqa musyantsikmi kë llapan desgraciakuna pasarinantana (Rev. 21:4). Tseta shuyaranqantsikyaqqa, wayin wayin willapäkur siguekäshunmi, arreglokunata rurarnin listo kanapaq ima desgracia chämunampaqpis.