“Këta rurayë noqata yarpäyämarni”
2 de abrilmi Jesuspa wanïninta yarpäshun
1. ¿Imanirtaq 2 de abril de 2007 alläpa preciso hunaq?
1 Kë 2 de abril 2007 watam, hinantin Patsapa ëllukäyanqa atska waranqa nunakuna, Jesuspa wanïninta yarpäyänampaq. Papäninlla, Autoridad kanqanta willapäkonqancho wanurmi, Cristo rikätsikorqan Satanás ulikonqanta nunakunapaq nirnin, Diostaqa imatapis tarita munarllam serviyan (Job 2:1-5). Hina Señorpa Cenanqa yarpätsimantsikmi hutsannaq nunano wanurnin, Jesús ‘alman qonqanta atskaq nunakunata salvananrekur’ (Mat. 20:28). Tsëmi discipulonkunata mandarqan: “Këta rurayë noqata yarpäyämarni” (Luc. 22:19). Diospa shumaq qarëninta y alläpa hatun kuyakïninta agradecikurnin, ¿arreglokunata rurar qallëkorqonkinaku Jesuspa wanïninta yarpänëkipaq? (Juan 3:16.)
2. ¿Imanöraq shonquntsikta alistashwan Jesuspa wanïninta yarpänapaq?
2 Shonquntsikta alistashun: Shonquntsikta alistashwanmi kë preciso hunaqpaq llapan pasakonqankunata Bibliacho leirnin, tsënöpa musyanapaq imanö Jesuspa kawënin kanqanta kë Patsachö ushanan hunaqkunacho (Esd. 7:10). Shonquntsikta alistanapaqqa, huk shumaq programam kan Bibliata leinapaq folleto Examinando las Escrituras diariamente 2007 nishqancho y, Calendario de los testigos de Jehová 2007 nishqanchöpis. Kë programacho textokunaqa, Jesús wanunampaq këkaptin cada hunaq pasakonqankunam, calendariontsikcho nenqannö. Leinqantsikcho fechakuna y hunaqkunaqa kayan judiokunapa calendarionmannomi, pëkunaqa hunaqkunata yupayaq ampenqampita hasta ampenqanyaqmi. Señorpa Cenanta yarpänapaqqa, tsë calendariomannömi rurakashqa Bibliata leinapaq programa. Leinqantsikkunam, y oracionta rurarïkur Diosnintsikpa hatun kuyakïninman alli pensanqantsikkunam, yanapamäshun kë Conmemoracionta alleq käyinapaq.
3. Imanötaq yanapashwan ¿wiyakï munaqkunata, y reunionkunata y willapäkita haqishqakunata?
3 Wakinkunatapis invitashun shayämunampaq: Reinopita willapäkunapaq febrero killapa suplementonmi, willakorqan huk shumaq campaña kanampaq nunakunata invitanapaq kë preciso celebracionman. ¿Alistapakur qallëkorqonkinaku kë campañacho invitakunëkipaq? ¿Huk listaman reqinakonqekikunapa shutinta churarqonkinaku invitanëkipaq? ¿Pëkunata willar qallëkorqonkinaku? Arreglokunata rurë tse ampi temprano reunionman chänekipaq, invitanqekikunata y wakinkunatapis shumaq chaskinëkipaq. Itsa pëkunawan täkita munankiman, huk canticon o Biblian mana kayäpuptenqa mañarinëkipaq. Congregacioncho wawqikunata reqitsï. Reunión ushariptin, tapukïninkuna kaptenqa shumaq käyitsi. Invitë 15 de abrilpaq o qateqnin semanapaq shumaq discursoman. Ancianokunam kallpachakuyanqa, reunionkunata y willapäkita haqishqakunapis Conmemoracionpaq y shumaq discursopaq invitacionta chaskiyänampaq.
4. ¿Imanöraq yanapashwan nunakunata Conmemoración pasariptin espiritualmente winayänampaq?
4 Yanapë tseraq yachaki munaqkunata y reunionkunata y willapäkita haqishqakunatapis: Discurso ruraq wawqim raslla parlamonqa estudio Biblicota ofrecinqantsikta Jehovapita más yachakita munaqkunata, wayinkunacho chaskiyänampaq chaninnaq estudio biblicota. Tsë parlamonqankunatam inshinkiman, invitanqekikunata espiritualmente más yanapanëkipaq. Pëkuna Bibliapita mana yachakïkäyaptenqa, ama haqitsu visitëta Conmemoración ushariptin, y rikätsi imanö chaninnaq estudio bíblico kanqanta. Espiritualmente más winayänampaqqa, congregacioncho reunionkunamampis shayämunanmi (Heb. 10:24, 25). Tsëmi willapäneki llapan reunionkunaman shayämunampaq. Reunionkunata y willapäkita haqishqakuna Conmemoracionman shayämuptenqa, ancianokunam visitayanan wiyayanqankunaman alleq pensayänampaq, tsënöpa congregacionman kutimita munayänampaq.
5. ¿Imachöraq yanapamashwan Jesuspa wanïninta yarpanqantsik?
5 Conmemoracionmi alli tiempo kanqa, alleq pensanapaq noqantsik-rekur Jehová y Jesús rurayanqankunapita. Këkunaman alleq pensëmi kuyakïnintsikta hatunyätsenqa, y kawënintsikchöpis yanapamäshunmi (2 Cor. 5:14, 15; 1 Juan 4:11). Tiempo chämushqanam alistapakur qallanapaq y invitanapaq wiyakoq nunakunata kë preciso celebracionpaq, ‘Señorpa wanïnimpita willapäkonqantsikcho’ (1 Cor. 11:26).