Imanötaq revistakunawan yachatsikushwan

La Atalaya 1 de enero

“¿Imataq ninkiman Biblia këchö nenqampita? [Leiri Sant. 3:2 y shuyäri contestashunëkita.] Höraqa kuyashqa familiantsikkunatam mana allipa parlaparnin llakiratsintsik. Kë revistachömi tarintsik Bibliapa alli willapäkïninkunata, familiantsikkunata parlënintsikwan mana llakitsinapaq.” Rikätsi página 10 nishqanchö tëmata.

¡Despertad! Enero

“Atskaq casädokunam mana alli kawakuyan. ¿Alli willapäkïta tariyanmantsuraq shumaq kawakuyänampaq? [Shuyäri contestashunëkita.] Kë shumaq consëjota rikë [leiri Efe. 5:22, 23]. Kë revistam willapämantsik imachöpis huk warmi qowanta cäsukoq kanampaq.” Rikätsi página 28 nishqanchö tëmata.

La Atalaya 1 de febrero

“Tukï problëmayoq këkarpis, ¿shonquntsikchö kushikïta tarishwantsuraq? [Shuyäri contestashunëkita.] Shamoq tiempopaq Bibliapa änikininkunam atskaqta yanapashqa [haqinëki revistapita huk textota leiri]. Mëpitaraq shamuntsik, imapaqraq këchö këkantsik y shamoq tiempochö imanöraq kawënintsik kanqa, kë tapukïkunatam Bibliaqa contestamantsik, kë revistacho nenqannö.”

¡Despertad! Febrero

“Alläpa mana alli rurëkuna miraptinmi atskaq nunakuna mantsaq mantsaq kawayan. ¿Imëllaqa ushakanqatsuraq kë mana alli rurëkuna? [Shuyäri contestashunëkita.] Rikë kushikïpaq këchö Biblia nenqanta [leiri Sal. 37:10]. Kë revistam willakun imanir tsë mana allikuna kanqanta y Diosnintsik imanö altsamunantapis.”