Imanötaq revistakunawan yachatsikushwan
La Atalaya 1 de mayo
“¿Musyanqëkinöpis kanan witsanqa alläpam desgraciakuna mirëkushqa? Wakin nunakunaqa Diosmi castiguëkämantsik niyanmi. Qamqa, ¿ima ninkitaq? [Shuyäri contestashunëkita y tsëpitana leiri 1 Juan 4:8.] Kuyakoq Dios këkarqa, manam kë desgraciakunata ruranmantsu. Kë revistam masllata yachatsikun.” Rikäratsi revistapa 30 kaq päginanta.
¡Despertad! Mayo
Mateo 6:10 nenqanta leirir tapuri: “¿Kanan tiempo kë Patsachö Dios munanqantsuraq rurakëkan? ¿Imaraq Diospa munënin?”. Shuyäri contestashunëkita. Tsëpitana kënö niri: “Bibliaqa ninmi, Diosqa manash qonqashqatsu kë Patsapaq munëninta, y kë revistam yachatsikun munënin ima kanqantapis”. Rikäratsi revistapa 10 kaq päginanta.
La Atalaya 1 de junio
“Pï mëpis musyanmi unë Noe kawanqanta y Diluvio kanqanta. ¿Rasumpatsuraq karqan? [Shuyäri contestashunëkita.] Jesuspis tsëpaq parlarqanmi [leiri Lucas 17:26, 27]. Kë revistam yachatsikun rasumpa kanqanta y nimantsikmi kë pasanqan imata yachatsimanqantsiktapis.”
¡Despertad! Junio
“Wambrakunata alli wätananqa alläpa sasa o ajam, ¿rasunku o manaku? Joven këninkunachönäqa más sasaraqmi. Wambrakunata shumaq wätanapaq, ¿pitaraq yanaparamë nishwan? [Shuyäri contestashunëkita. Tsëpitana leiri Isaías 48:17, 18.] Kë revistam yachatsin teytakuna mamakuna yachaq karnin wambrankunata alli wätayänampaq, hina kanan tiempontsikpaqnömi yachatsikun.”