¿Yachatsikïnintsikchö masta rurashwantsuraq?
1. ¿Ima ruranantsiktaq alläpa precisan, y imanir?
1 Atska nunakuna alli noticiapita yachakïta munaqta rikarmi, Jesus qateqninkunata kënö nerqan: “Teyta Diosman mañacuyë elloqcuna mas atscaq cayänanpaq” (Mat. 9:37, 38). Ëllupaki witsan ushakëkannam, tsëmi imëpitapis más yachatsikunantsik precisan. Tsënö kaptinmi yachatsikïchö masta ruranapaq Diosman mañakunantsik precisan (Juan 14:13, 14).
2. Ëllupakïchö alli yanapakuyänanrëkur, ¿imatataq wakin wawqikuna y panikuna rurayashqa?
2 ¿Imanötaq más yachatsikushwan? Jehová yanapaptin y yachatsiptinmi, atskaq wawqikuna y panikuna precursor këman chäyashqa (Sal. 26:2, 3; Fili. 4:6). Hina watachö huk killa o más killakuna precursor auxiliar kayänampaqpis wakinkunaqa kallpachakuyashqam, tsënömi yachatsikïninkunachö masta rurayashqa. Wakinkunanäqa precursor auxiliar kayanqanta alläpa kushikurmi, precursor regular kayänampaqna kallpachakïkäyan (Hech. 20:35).
3. Huk tiempochö precursor kashqa karqa, ¿imamantaq yapë pensankiman?
3 ¿Precursor yapë kankimanku? Huk tiempochö precursor kashqa karnenqa, imëka allikunataraq yarpanki. ¿Jehoväta mañakorqonkiku yapë precursor kanëkipaq? Itsa tsapäshoqniki problëmakuna kananqa kannatsu, tsëqa, ¿manatsuraq yapë precursor kankiman? (1 Juan 5:14, 15.)
4. ¿Ima alli rurëtaq makintsikchö këkan?
4 Ëllupakïqa naqanam ëwakärin y asharinampaq ichikllanam pishin (Juan 4:35, 36). Tsëmi imanöllapapis wayi wayin yachatsikïnintsikchö masta ruranapaqqa, tiempontsikta alli rikänantsik. Pero paqwë mana puëderqa, ¿imanirtaq más alli yachatsikïta tïrantsiktsu? (Mar. 12:41-44.) Imapis mana tsapäshuptikeqa, Jehoväta servi precursornö. ¡Tsënö Jehoväta servïtaqa piraq mana munanmantsu! (Sal. 110:3.)