¡Alläpam precisan yachatsikunantsik!
1. ¿Pablu ima nenqanta alläpa precisan kanan witsan ruranantsikpaq?
1 ‘Ime öra eque örapis, Diospa palabranta willapäqui.’ (2 Tim. 4:2.) Pablu këta ninqan, ¿imanirtaq noqantsikpaq alläpa precisan? ¿Imanöraq kë ninqan yanapamäshun noqantsikta y wakinkunatapis?
2. ¿Imanirtaq ashinantsik Diospa yachatsikïninta mana wiyashqakunata?
2 Llapan nunakunatam yachatsinantsik: Hinantinchömi atska millón nunakuna salvakuyänampaq Diospa yachatsikïninta wiyayänan pishin (Rom. 10:13-15; 1 Tim. 4:16). Musyanqantsiknöpis, imëpis yachatsikur purinqantsik markachömi yachakï munaq nunakunata más tarikantsik. Huk hunaqkunapa o huk hörakunapa wayinkunaman ewarmi, mëqankunata karpis tarishun parlapänapaq. Tsënö alli yachatsikurnenqa kikintsikpis kushishqam këkäshun y manam yawarninkunapita culpayoqnatsu kashun (Hech. 20:26).
3. ¿Imanötaq pï më nunatapis yachatsishwanllana?
3 Punta cristiänokunata maqar tukïta rurëkäyaptimpis, ‘yachatsicuyarqan jinantin Jerusalen marcacho[mi]’ (Hech. 5:28). ¿Pëkunanö ‘llapanman alli willakïta chätsinapaqku’ noqantsikpis listo këkantsik? (Hech. 10:42, NM.) ¿Wayin wayin yachatsikoq ëwarqa pï mëtapis parlapantsikllanaku? Y huk wayiman yachatseq ëwëkarqa, ¿tinkonqantsikkunata parlapärintsikku?
4. ¿Imataq yanapamantsik mäkoq mäkoqlla këkänapaq?
4 Mäkoq mäkoqllam këkäshun alli yachatsikorqa: Kë mundo ushakänampaq ichikllanam pishin, tsëmi mäkoq mäkoq kanantsik alläpa precisan (1 Tes. 5:1-6). Diospa Gobiernon ruramunampaq kaqta imëpis willakonqantsikmi yanapamäshun kanan witsan Jehoväta mana haqinapaq (Luc. 21:34-36). Hina Jehoväpa hunaqninta ‘shuyecanqantsicmi’ yanapamantsik salvakuyänanrëkur nunakunata más yachatsinapaq (2 Ped. 3:11, 12).
5. ¿Imanötaq rikätsikuntsik kawëta kuyanqantsikta?
5 Pï më nunata yachatsirmi rikätsikuntsik Jehová kawëta alläpa kuyanqanta, pëqa “manam munantsu pipis condenacunanta; antis shuyarëcan nunacuna jutsancunata jaqiriyänantam” (2 Ped. 3:9; Eze. 33:11). ¡Jehoväta alabanantsikrëkur, markantsikchö pï mëtapis yachatsinapaq churapukäshun! (Sal. 109:30.)