¿Imanötaq revistakunawan yachatsikushwan?

Täpakoq 1 de mayo

“Jesucristuman markäkunapaqmi [yärakunapämi] nunakunaqa niyan, y musyanqantsiknöpis tsëpaqqa puntata alliraqmi pëta reqinantsik. Qampaqqa, ¿pitaq Jesus karqan? [Shuyäri contestashunëkita. Nïkur leiri Juan 3:18.] Kë revistam rikätsikun Jesus kikimpita imata yachatsikunqanta.”

¡Despertad! Mayo

“¿Altsakäramunqatsuraq qellë tarinan sasa kanqan witsanchö kawëkanqantsik? [Shuyäri contestashunëkita.] ¿Musyarqëkiku tsënö tiempokunachöpis Biblia yanapakunqanta? [Revistachö yureq huk textota leiri.] Kë revistachömi Bibliapita atska yachatsikuna kan qellë tarinan sasa kanqan witsankunachö imanö kawakunapaqpis.” Revistapa 18 kaq päginanta rikäratsi.

Täpakoq 1 de junio

“¿Imëllaqa tapukushqankiku Dios hipakïkunata [ñakaykunata] imanir rikaranqanta? [Shuyäri contestashunëkita.] Pï më nunakuna tapukuyanqannölla Biblia qellqaq nunapis tapukunqanta rikärishun [leiri Salmo 10:1]. Hipakïkunata Dios imanir rikaranqanta y imanö ushakätsimunampaq kaqta Biblia willakunqantam kë revista yachatsikun.”

¡Despertad! Junio

“¿Kanan witsankunaqa imëpitapis masmi utishqalla pï më kawakuyan aw? [Shuyäri contestashunëkita.] ¿Imanir-raq tsënö? Wakin nunakunapaqqa Biblia ninqan cumplicaptin [leiri 2 Timoteu 3:1]. Kë revistam yachatsikun alläpa utishqalla kawakï imaman chätsikunqanta y nimantsikmi mana tsënölla kawakunapaq ima yanapakunqantapis.”