¿Imanötaq revistakunawan yachatsikushwan?

Täpakoq 1 de julio

“Nunakuna hukläyana pensayanqan witsanchömi kawantsik, tsëmi mana alli rurëkunata hutsatanönatsu rikäyan, pero ¿rasuntsuraq hutsanatsu mana alli rurëkuna? [Shuyäri contestashunëkita.] Rikärishun hutsapaq Biblia ima ninqantapis [leiri Romanos 5:12]. Kë revistam yachatsikun hutsata Dios imanö rikanqanta y imanö ushakätsinampaq kaqtapis.”

¡Despertad! Julio

“¿Warmikuna yachatsikuyanmantsuraq iglesiakunachö? [Shuyäri contestashunëkita.] Rikärishun huk cristiänapaq Biblia ima ninqantapis [leiri Romanos 16:1]. Pero huk textochöqa warmikuna iglesiachö mana yachatsikuyänampaqmi nin. Tsëqa, ¿ima nintaq Biblia? ¿Warmikuna yachatsikuyanmantsuraq o manatsuraq? Kë revistam tsëpaq parlan.” Revistapa 28 kaq päginanta prikäratsi.

Täpakoq 1 de agosto

“Pï mëmi pensayan llapanta kamaqpa shutin Dios kanqanta. Pero ¿musyarqëkiku ima Diospa shutin kanqantapis Biblia willakunqanta? [Shuyäri contestashunëkita. Tsëpitana leiri Isaías 42:8a.] Kë revistam rikätsikun wakin traduceqkuna Bibliapita Diospa shutinta imanir horqayanqanta, hina yachatsikunmi Diosnintsikta shutimpa qayanantsik imanir precisanqantapis.”

¡Despertad! Agosto

“¿Imëllapis Jehoväpa testïgonkunawan parlashqankiku? Itsapischi. Yachatsikuyanqäta nunakuna mana wiyëta munëkäyaptin imanir wayin wayin yachatsikur puriyanqätam pï më tapukuyan. ¿Musyankiku imanir wayin wayin puriyanqäta? [Shuyäri contestashunëkita. Tsëpitana leiri Mateo 24:14.] Atskaq nunakunam noqakunapaq mana rasun kaqta pensayan, pero kë revistam yachatsikun pï kayanqätapis.”