La Biblia: el poder que ejerce en su vida

Biblia yanapashqa kaptinmi hinantin Patsachö mëtsika nunakuna más shumaqna kawakuyan. ¿Bibliapa mëqan yachatsikïninkunataq yanapamantsik kanan witsan imëka mana allikunapa pasëkarpis alli kawakunapaq? Tsëta musyarinëkipaqqa, DVD, La Biblia: libro de hechos y profecías nishqampa, La Biblia: el poder que ejerce en su vida neqta rikäri, nïkurna kë hawanchö këkaq tapukïkunata contestë:

1) ¿Imanirtaq Bibliaqa alli qellqashqa librollatsu? (Heb. 4:12.) 2) Nunakuna shumaq kawakuyänampaq Biblia yanapakïkaptinqa, ¿imanirtaq pï mëpis tukï problëmakunawan hipayan o ñakayan? 3) ¿Imataq Bibliapa precisaq yachatsikïnin? 4) ¿Mëqan textokunataq casädokunata yanapan a) más shumaq parlapänakuyänampaq b) mana ras piñakuyänampaq? 5) ¿Imanirtaq Jehová ninqanta ruraq familiakunaqa más kushishqa kawakuyan? (Efe. 5:28, 29.) 6) ¿Imatataq wambrayoqkuna Jehoväpita yachakuyanman? (Mar. 1:9-11.) 7) ¿Imatataq teytakuna rurayanman familianwan yachakuyanqan hora shumaq kanampaq? 8) Teytakuna wambrankunata Bibliapita yachatsirpis, ¿ima mastataq wambrankunata qoyänan? 9) Qellëta mana alläpa tareq familiakuna shumaq kawakuyänampaq Bibliapa mëqan yachatsikïninkuna yanapakunqanta willakaramï. 10) ¿Bibliapa mëqan yachatsikïninkunataq yanapakun limpio kar, drögakunata mana utilizar, washkuta mana alläpa upyar y imëka rurëkunawan mana alläpa utishqa kar alli saludyoq kawakunapaq? 11) ¿Imakunata Biblia awnikunqantaq yanapamantsik alli tsarakunapaq? (Job 33:25; Sal. 145:16.) 12) Qamtaqa, ¿imanötaq Bibliapa yachatsikïnin yanapashurqunki más alli kawakunëkipaq? 13) Kë vidëowan, ¿imanö wakinkunata yanapanëkipaqtaq pensëkanki?