Tapukïkuna kaq

◼ ¿Ëka tiempotaq estudiätsishwan alli yachakoq estudianteta?

Alli yachakoq estudiantetaqa, Rasumpëpaqa, ¿imatataq Biblia yachatsikun? y “Dios Yayapa kuyakïninchö imëpis kawakuyë” librokunata ushatsinqantsikyaq estudiätsinqantsikmi alli kanqa. Hina tsënömi ruranantsik tsë ishkan librokunata manaraq estudiëta ushar bautizakoqkunawampis. Bautizakushqana kaptimpis, puëdentsikmi estudiätsinqantsikpita tiempota, qonqantsik revistakunata y estudiätsinqantsikta informëta. Yanaqämaqnintsik publicadorpis, puëdenmi tiemponta informëta (Rikäri 2009 watachö marzo killa kaq Diospita Yachatsikunapaqpa 2 kaq päginanta).

Mushoqkunapaqqa alläpam precisan, manaraq estudiatsita haqishqa, rasumpa kaq yachatsikïkunata alli musyayänan. Tukïkunata pasar alli tsarakuyänampaqmi, Cristupa yachatsikïninchö “cösa patsacashqa” kayänan y, alli “marcäcurnin, alli firmi patsacashqa quecay[änan]” alläpa precisan (Col. 2:6, 7; 2 Tim. 3:12; 1 Ped. 5:8, 9). Hinamampis, nuna mayinkunata alli yachatsiyänampaqmi “rasonpa caq yachatsiquicunata [alli] musyayänan” (1 Tim. 2:4). Ishkan librokunawan estudiatsita usharmi, “llanulla nänipa ewecaq” cuenta “wiñe cawaquita tari[yänampaq]” estudiantentsikkunata yanapantsik (Mat. 7:14).

Bautizakïta munaqkunaqa, alliram musyayänan Bibliapa más precisaq kaq yachatsikïninkunata y yachakuyanqannömi kawayänan, tsëtam anciänokuna alli rikäyänan. Y, Bautizakïta munaq punta kaq libropita yachakïta manaraq ushashqa kaptinnäqa, anciänokuna más alliram rikäyänan. Pipis bautizakunampaq manaraq listo kaptinqa, anciänokunam rikäyänan pipis shumaq yanapanampaq (Rikäri ‘Qamcunatam cachayaq nunacunata willapäyänequipaq, y bautisayänëquipaq’ nishqan follëtopa 58 – 60 päginankunata).

[2 kaq päginachö ninqan]

Mushoqkunapaqqa alläpam precisan, rasumpa kaq yachatsikïkunata alli musyayänan