Tapukïkuna kaq

◼ ¿Wayi punkukunachö estudio biblicota qornin mañakushwantsuraq?

Bibliata estudiaqkunawan mañakïwan qallanantsik y ushanantsikqa alläpa allim. Jehoväta mañakurqa, yachakïkanqantsikchö santo espïritunwan yanapëkamänapaqmi mañakïkantsik (Luc. 11:13). Estudiantekunawan mañakïqa alläpam precisan, tsënöpa Diospita yachakïkäyanqanta cuentata qokuyänampaq y pëkunapis Diosta mañakïta yachakuyänampaq (Luc. 6:40). Tsëmi huk o ishkë visïtallachö estudiontsikwan mañakur qallëkunantsik. Pero höraqa manam llapan estudiaqkunawantsu tsënö ruranantsik, alliraqmi rikänantsik Diosman mañakurir-raq estudiota qallanapaq kaqtapis.

Pero tsëpaqqa alläpam precisan mëchö estudianqantsiktapis rikänantsik. Nunakuna mana kayänanchö estudiarqa, puëdeshwanmi raslla mañakurita estudiota qallanapaq y ushanapaqpis. Pero pasaqkuna rikäyänanchö mañakushqa penqakuptinqa, itsa mana pipis rikänanchö estudiëtaraq shuyarashwan. Tsëmi mëchö estudiarpis mañakur qallanapaqqa alliraq rikänantsik (rikäri Nuestro Ministerio del Reino de marzo 2005, 4 kaq päginanta).