Huk hörapapis canticokunata wiyashwanmi

Diosta sirveqkunapaqqa müsicaqa Diospa qarëninmi (Sant. 1:17). Tsëmi atska congregacionkunachö reunión manaraq qallaptin y ushariptin canticokunata wiyayänampaq churayan. Yachatsikuyänan Wayiman chärir tsë müsicata wiyakïqa yamëyärinapaq y reunionchö yachakunapaq kaqta pensëkänapaqmi yanapamantsik. Hina mushoq cancionëropa müsicanta wiyakïqa yanapamäshun tonädanta yachakunapaq y tsënöpa alli cantanapaqmi. Hinamampis, reunión ushariptin müsicata churayanqanqa huknintsik huknintsik shumaq parlakurinapaqmi yanapamantsik. Anciänokunam akrayanqa piänowan Cantarnin Jehoväta kushitsishun müsicata churayänampaq o orquestawan cantëkäyanqan müsicata churayänampaqpis, pero manam fuertepaqa tocatsiyänantsu, tsënöpa wakinkuna shumaq parlakuriyänampaq.