Concienciantsikta cuidashun
1. ¿Imataq 2013 sirwina watachö juk junaq kaq asamblëapa tëman kanqa, y imarëkurtaq rurakämushqa?
1 Llapan junaqkunam tukï mana allikuna concienciantsikta pruëbaman churan. Tsëmi, 1 de septiembre de 2012 watachö qallaq 2013 sirwina wata juk junaq kaq asamblëapa tëmanqa “Concienciantsikta cuidashun” ninqa (1 Tim. 1:19). Kamamaqnintsik qomanqantsik concienciantsikta imanö utilicëkanqantsikta rikänapaqmi kë asamblëaqa rurakämushqa.
2. ¿Ima tapukïkunapitataq yachakushun?
2 Yachakunantsikpaq kaq tapukïkuna. Tsë asamblëachöqa kë qanchis tapukïkunapitam yachakushun:
• ¿Imakunataq concienciantsikta rakchatärinman o iskatärinman?
• ¿Imataq yanapamäshun concienciantsikta yachatsinantsikpaq?
• ¿Imatataq ruranantsik nunakunapa yawarnimpita mana culpayoq kanantsikpaq?
• ¿Imatataq rikätsikuntsik Bibliapa musyatsikïninkunaman yarpachakurnin y wiyakurnin?
• ¿Imakunapitataq cuidakunantsik wakinkunapa concienciankunata mana llakitsinantsikpaq?
• ¿Imanötaq pruëbakunapa pasarnin jövenkuna alli tsarakuyanman?
• ¿Ima allitataq tariyan Bibliawan yachatsishqa concienciankunata wiyakoqkuna?
3. ¿Imatataq rurashwan juk junaq kaq asamblea alli yanapamänantsikpaq?
3 Satanasqa imëkatam ruran concienciantsikta rakchatänanrëkur, tsënö kaptimpis, Jehovämi alli tsarakunantsikpaq yanapamantsik. Palabranwan y markanwanmi kuyakoq Teytantsikqa “Këmi alli kaq näniqa. Këpa ëwayë” nimantsik (Isa. 30:21). Jehoväqa tukïnöpam rikätsimantsik mëpa ëwanantsikpaq kaqta, y tsëtam ruran juk junaq kaq asamblëachöpis. Tsëmi kallpachakunëki tsë asamblëachö entero junaq kanëkipaq. Shumaq wiyakï y tsë yachatsikïkuna kawënikichö imanö yanapashunëkipaq kaqman yarpachakï. Jinamampis, tsëchö yachakuyanqëkita familiëkiwan yarpäriyë. Diospa yachatsikïninkunata wiyakurninqa alli concienciayoqmi imëpis kashun, y manam dejashuntsu Satanaspa mundonchö imëka mana alli munëkuna alli kaq nänipita jorqamänata (1 Ped. 3:16).