Imanö yachatsikunapaq

¿Imanötaq estudiu biblicuta qallashwan juliupa qallanan säbadu?

“Llapan nunakunam yamë kawakïta munayan, peru më tsëchömi guërrakunaqa kan. ¿Imanir-raq Patsachö yamë kawakï kantsu?” Contestarishuptikina, Juliu-agostu Täpakoq revistapa 16 kaq päginanchö punta kaq tapukïpita yacharatsi, y mëqan textullatapis leyirapï. Revistata jaqirapï y kutirnin juknin kaq tapukïpita yacharatsinëkipaq awniri.

Juk willakï: Kë demostraciontaqa rurayämunqa 6 de juliu killa yachatsikoq yarqunapaq reunionchömi.

Täpakoq Juliu-agostu

“Kë textupaq imata pensanqëkita nirayämänëkitam munayä [leyi 1 Juan 4:8]. Atskaqmi kë textu ninqanwan acuerdu kayan, peru imëka desgraciakunata apamunqanta o permitinqanta creirmi wakinqa rumi shonqu Dios kanqanta niyan. ¿Ima ninkimanraq qamqa? [Shuyäri contestashunëkita.] Kë revistam yachatsikun Diosqa rumi shonqum nir imanir mana juzganapaq.”

Diospa alli willakïninkuna

“Kananmi apëkäyämö Bibliapa juk alli willakïninta. Atskaqmi tapukuyan kuyakoq Dios këkar imanir sufrimientukunata permitinqanta. ¿Kë Patsachö ñakanapaqtsuraq o jipanapaqtsuraq kamamashqantsik?” Shuyäri contestashunëkita, y 5 kaq yachatsikïninman ëwë. Leyiyë y yachakuyë ishkan punta kaq pärrafukunapita y kinkisharëkaq textukunata leyiyë. Follëtun jaqipï y kutirnin ishkë kaq tapukïpita yacharatsinëkipaq awni.