Imanö yachatsikunapaq

¿Mëchötaq tarishwan precisaq tapukïkunapa respuestanta?

Nunata tratädun qori tïtulunta rikärinampaq, tsëpitana kënö niri: “Yamëllaku. Juk precisaq rurëchömi yanapakïkä, kë precisaq yachatsikïyoq tratädutam llapankunata qoykäyä. Këmi qampaq”.

Nunakunata wayinkunachö mana tarir y tratädun jaqita munarqa, mana alläpa doblashllapa y pureqkuna mana rikäyänanllaman churëkushwan.

Tratädupa yachatsikïninman nuna interesäkuptin y maslla parlëta munaptinqa, tsë tratäduchö tapukïkunapita imata pensanqanta parlakaramunampaq niri. Tratäduta kicharir rikäratsi Salmu 119:144, 160 textu ima ninqanta. Entiendiratsi kë tratäduqa Internetchö juk päginapita maslla willakunqanta y tapukïninkunapa respuestankunata Bibliachö tarinampaq yanapëta puëdinqanta. Tiempun kaptinqa, itsa ¿Imanirtaq Bibliapita yachakunkiman? neq vidëuta rikäratsinkiman. Manaraq ëwakurnin, kë tratädupa ushananchö këkaq kima tapukïkunata rikäratsi y tapuri mëqan maslla gustanqanta. Äniri, kutirnin jw.org päginata utilisar tapukïninkunapa respuestanta Bibliachö tarinampaq yacharatsinëkipaq. Y kutirninna, ENSEÑANZAS BÍBLICAS > PREGUNTAS SOBRE LA BIBLIA neqchö tapukïninkunapa respuestanta ashirir yachakuriyë.

Jatun asamblëapaq tsë witsan invitakïkarqa, tratädutawan juntu invitacionnin qori, tsëpitana kënö niri: “Jina kë invitaciontapis jaqiritam munä, porqui ichikllachönam juk reunion rurakanqa, y tsëmanqa llapan nunakunam debaldilla yëkïta puëdiyanqa”.

Täpakoq Juliu-agostu

Precisaptinqa semäna ushëkuna, Täpakoq revistata qorinëkipaq kënö niri: “Jina kë killapaq revistatapis jaqiritam munä. Kë Täpakoq revistam 11 kaq päginachö kë tapukïta contestan: ‘¿Piraq nunakunapa problëmankunata altsamunqa?’”.