Alli yachatsikoq kë: mana mantsakushpa y convencïdu Diospa Gobiernumpita musyatsikï

¿Imanirtaq alläpa precisan? 2 Timoteu 1:7, 8 textu mandakunqanta wiyakunantsikpaqqa, Diospa Gobiernumpitam convencïdu yachatsikunantsik. ¿Imatataq rurashwan mana mantsakushpa yachatsikunapaq?

Entëru killachö këta rurëta procurë:

Pensari pï nunallatapis yachatsinëkipaq kaqman. Jehoväta mañakï mana mantsakushpa Gobiernumpita yachatsikunëkipaq y imanöpa ruranëkipaqpis.