LLAPAN LEYINA KAQ Watchtower

LLAPAN LEYINA KAQ

Quechua (Ancash)

mwb16 Abril päg. 3
Shumaq palabrakunawan wakinkunata yanapë

Cristiänunö Kawakunapaq y Yachatsikunapaq Reunionchö Yachakunapaq (2016)

mwb16 Abril päg. 3

ÖRUTANÖ BIBLIACHÖ ASHINAPAQ | JOB 16-20

Shumaq palabrakunawan wakinkunata yanapë

Pitapis consejarninqa animashwanmi

Jobqa alläpa llakishqam këkarqan. Yanapayänanta y animayänantam wanarqan.
Kimaq yanaqinkunapitaqa manam mëqampis Jobta shoqayarqantsu. Tsëpa rantinqa mana allipa parlaparmi llakitsiyarqan.

Bildadpa mana alli parlakïninkunaqa alläpam Jobta piñatsirqan

Jobqa Diostam mañakurqan imëkanöpapis yanapëkunampaq, hasta kawënintapis qochirinanta (qechurinantam) munarqan.
Kawarimï kanampaq kaqmanmi Jobqa yarpararqan y mana jaqishpam Diosta sirwir sïguirqan.

Elifaz Jobta parlapaptinmi Bildadwan Zofarqa rikarëkäyan

¿PIKUNATAQ JOBTA TUMPAYARQAN?

Elifaz

Edomchö Teman markapita itsa karqan. Edomïtakuna yachakuyänan sitiuqa këkarqan Teman markachömi y Jeremïas 49:7 textun tsëpaq parlan.
Itsachi Elifazqa kimampitapis mas mayor y respetashqa karqan. Pëmi puntataqa parlarqan. Kima kuti y masmi parlarqan.

¿Imata nirtaq Jobpaq mana allita parlarqan?

Diosllapaq shonqun mana kanqanta nirmi Jobta tumparqan, y Diosqa sirweqninkunaman mana markäkunqantam nirqan (Job 4, 5).
Mana penqakoq, mana alli y Diosta mana respetanqantam Jobpaqqa nirqan (Job 15).
Mana alli y mallaqäkoq nirmi Jobta tumparqan, y nunaqa Diospaq mana sirwiyanqantam nirqan (Job 22).

Bildad

Süah jutiyoq nunapa tsurin. Itsa tärarqan Eufrates mayupa lädunchö.
Elifaz parlar ushariptinran pëqa parlarqan. Alläpa mana parlarpis mas nanatsikoq palabrakunatam nirqan.

¿Imata nirtaq Jobpaq mana allita parlarqan?

Diosta mana respetanqanta y tsurinkuna jutsata rurayanqanrëkur wanuyanqantam nirqan, y Diosta mana respetanqantam Jobpaqqa nirqan (Job 8).
Job alläpa mana alli kanqantam nirqan (Job 18).
Diosta sirwinqantsikqa imapaqpis mana välinqantam nirqan (Job 25).

Zofar

Naamä markapitam karqan, itsa Arabia nishqan lädupita.
Bildad parlariptinran pëqa parlarqan, y pëmi mas mana alli palabrakunawanqa tumparqan. Y ishkë kutillam parlarqan.

¿Imata nirtaq Jobpaq mana allita parlarqan?

Job baduläki kanqantam nirqan, y jutsa rurëninkunata jaqinampaqmi nirqan (Job 11).
Job mana alli kanqanta y jutsata rurar kushikunqantam nirqan (Job 20).