Alli yachatsikoq kë: Yachatsikunapaq vidëukunata utilizäshun

¿IMANIRTAQ PRECISAN?

Vidëukunata rikäyanqan y wiyayanqanmi nunakunapa shonqunmanqa mas chärin. Tsëmi yanapan mas atentu kayänampaq y willakïninta atska tiempupa yarpäyänampaq. Jehovämi tsënö yachatsikï mas alli kanqanta rikätsikushqa (Hch 10:9-16; Ap 1:1).

¿Diospa jutin kanku? ¿Pitaq Bibliata qellqatsirqan? y ¿Imanirtaq Biblia rasumpa kaqta ninqanman markäkushwan? neq vidëukunaqa Alli willakïninkuna follëtupa 2 y 3 kaq yachatsikïninkunapitam maslla parlan. Y ¿Imanirtaq Bibliapita yachakunkiman?, ¿Imanötaq Bibliapita yachatsikïnëkuna? y ¿Imanötaq reunionnïkuna? vidëukunaqa yanapakunqa noqantsikwan nunakuna Bibliapita yachakuyänampaq y reunionkunaman ëwayänampaqmi. Jina wakin vidëuntsikkunataqa Bibliapita yachatsikunqantsik höram rikäratsishwan (km 5/13 päg. 3).

¿IMANÖTAQ RURASHWAN?

• Rikätsinëkipaq kaq vidëuta puntallapitana jorqë.

• Yachatsinqëki nunata tapurinëkipaq, juk o ishkë tapukïkunata alistë, rikäyänëkipaq vidëupita.

• Ishkëkikuna vidëuta rikäriyë.

• Precisaq kaqninkunapita parlakuriyë.

KËTA RURË:

• Mëqan tratädullapapis ushanan kaq päginanman ëwë y ¿Imanirtaq Bibliapita yachakunkiman? neq vidëuman apakoq cödiguta rikäratsi.

• ¿Imanirtaq Biblia rasumpa kaqta yachatsikunqanman markäkushwan? neq vidëuta rikäratsi y Alli willakïninkuna follëtuta munaratsi. Y 3 kaq yachatsikïnimpita yacharatsi.