ÖRUTANÖ BIBLIACHÖ ASHINAPAQ | SALMUS 45-51

Shonqupita patsë arrepentikoqtaqa Jehovä chaskinmi

Juk kapoqyoq nuna waktsa nunapa üshanta qochirir apakunqan igualatsikïta wiyariptinmi, Davidtaqa conciencian mana alli sientikatsirqan

Batsëbawan David jatun jutsata ruranqampita Natan piñapäriptinmi, Davidqa Salmu 51 capïtuluta qellqarqan. Conciencianmi Davidtaqa alläpa mana alli sientitsirqan y humildäwanmi jutsanta willakurqan (2Sa 12:1-14).

Jutsata rurashqa karpis, Davidqa yapëmi Jehoväwan amïgu këta puëdirqan

51:3, 4, 8-12, 17

Jutsampita manaraq arrepentikur y manaraq willakurqa, Davidqa alläpa mana alli y llakishqam sientikurqan.
Jehoväta llakitsinqampitam Davidqa alläpa llakikurnin tullumpis pakishqanö sientikurqan.
Perdonashqa këta, Jehoväwan yapë amïgu këta y kushishqa këtaqa alläpam munëkoq.
Wiyakoq kanampaqmi Jehoväta rogakurqan.
Jehovä perdonëkunampaq kaqmanmi markäkurqan.