Alli yachatsikoq kë: Estudiantikikunata yanapë änikur Diosllatana sirwiyänampaq y bautizakuyänampaq

¿IMANIRTAQ PRECISAN? Estudiantikuna Jehoväpa rikëninchö alli kayänampaqmi, pëta sirwiyänampaq änikuyänan y bautizakuyänan (1Pë 3:21). Änikuyashqannö kawaqkunataqa Dios tsapanmi (Sl 91:1, 2). Cristiänukunaqa Jehovällatana sirwinapaqmi änikushqantsik, manam juk nunata, ni trabäjuta ni maskunata sirwinapaqtsu. Tsëmi estudiantikunapis, Jehovällata kuyëta y respetëta yachakuyänan (Ro 14:7, 8).

¿IMANÖTAQ RURASHWAN?

• Estudiayanqëki höra, tsë publicacion Diospita imata yachatsikunqanta parlayë. Cada junaq Bibliata leyinan y ‘mana qonqeta Diosman mañacunan’ precisanqanta entienditsi (1Te 5:17; Snt 4:8).

• Diosta sirwinampaq änikïta y bautizakïta munanampaq yanapë. Jina, reunionkunachö parlakunampaq o vecïnunkunata y trabajaq mayinkunata yachakïkanqampita parlapänampaqpis yanapë. Yarpë, Jehoväqa manam pitapis obligantsu, kikin estudiantim Diosta sirwinampaq änikïtaqa decidinan (Dt 30:19, 20).

• Estudiantikita yanapë tukïnöpa kallpachakunampaq Jehoväpa rikëninchö alli kanampaq y bautizakïpaq (Pr 27:11). Imëka rurëkunawan y costumbrikunawan paqwë yachakashqa kaptinqa, itsa mas tiempuraq yanapanëki unë imanöpis kanqanta cambianampaq (Ef 4:22-24). Täpakoq revistachö “Bibliam yanapashqa jukläyana kawakuyänampaq” neq yachatsikïta rikätsi.

• Jehoväta sirwirnin alläpa kushishqa kanqëkita estudiantikita willë (Is 48:17, 18).