Kawarimï nishqan tratäduwanmi Tuvalu nacionchö yachatsikïkäyan.
Imanö yachatsikunapaq
¿IMATAQ DIOSPA GOBIERNUN? (Videu)
Yachatsikunapaq: Juk videutam rikärinëkita munä, tsëchömi Diospa Gobiernumpita shumaq yachatsikun [videuta rikäratsi].
Publicacion: Kë follëtum entëru Patsachö problëmakunata Diospa Gobiernun imanö ushakätsinampaq kaqta, Bibliawan yachatsikun [Alli willakïninkuna neq follëtuta munaratsi].
RASUMPA KAQTA YACHATSIKUSHUN
Tapukï: ¿Imanötaq rikätsikushwan Diosta kuyanqantsikta?
Textu: 1Jn 5:3
Rasumpa kaq: Mandamanqantsikkunata cäsukurmi Diosta kuyanqantsikta rikätsikuntsik.
¿WANUSHQAKUNA KAWARIYÄMUNQATSURAQ? (T-35)
Tapukï: Cada watam, mëtsikaq nunakuna wanushqakunata yarpäyänampaq imëkata rurayan. ¿Imëllapis wanushqa kuyë kastantsikkunawan yapë tinkushuntsuraq?
Textu: Hch 24:15
Publicacion: Kë tratädum, wanushqakuna kawariyämunampaq kaqta musyanqëki imanö yanapashunëkipaq kaqta yachatsikun [Wanushqakunaqa, ¿imëllapis kawariyämunqatsuraq? neq videutapis rikäratsinkimanmi].
IMANÖ YACHATSIKUNËKIPAQ KAQTA QELLQË
Punta kaq yachatsikïta qatirlla imanö yachatsikunëkipaq kaqta qellqë.