DIOS MUNANQANNÖ KAWANAPAQ
¿Imanötaq Bibliapita alleq yachakushwan?
¿Danielnöllaku imëkapa pasarpis markäkoq këta munanki? Danielqa manam janan jananllatsu Diospa Palabrampita yachakoq, sinöqa alleqmi (Da 9:2). ¿Imanötaq Bibliapita shumaq yachakunqëkiqa markäkur sïguinëkipaq yanapashunkiman? Tsëqa, Jehovä änikunqankunaman mas confiakunëkipaqmi yanapashunki (Jos 23:14). Jinamampis, Diostam mas kuyanki, y tsëmi alli kaqta ruranëkipaq yanapashunki (Sl 97:10). Peru ¿imatataq rurankiman Bibliapita alleq yachakunëkipaq? Kë yanapakïkunaman pensë.
¿Imanötaq yachakunkiman? Alleq yachakunëkipaq patsätsirqa reunionpaqpis preparakunëkim. Cada semäna Bibliata leyirnin mas yachakunëkipaqqa, mana entiendinqëki kaqkunatam alleq yachakunëki. Wakinkunaqa Biblia musyatsikunqankunapita, santu espïritupa wayïnimpita, apostol Pablu Diospita yachatsikur viajanqankunapita y Jehovä kamanqankunapitam maslla yachakïta decidiyan. Bibliapita tapukïnikikuna kaptinqa, qellqari y yapëchö yachakunëkipaq patsäratsi.
¿Mëchöraq mas yanapakïkunata tarinkiman? Örutanö Bibliapa yachatsikïninkunata ashinapaq tukï yanapakïkuna neq videuchömi. Daniel librupa 7 kaq capïtulunchö mantsanëpaq animalkunaqa, mëqan nacionkunata rikätsikunqanta alleq yachakuri.
¿Ëka tiempupataq yachakunkiman? Diospa kaqchö alli kanëkipaqqa, seguïdum yachakunëki. Leyi alläpa mana gustashuptikiqa, ichikllapa ichikllapam leyir qallankiman, tsënömi mas tiempupana leyita puëdinki. Bibliapita yachakïqa imëka öruta ashinömi, tarinqëkimannömi masta ashita munanki (Pr 2:3-6). Jinamampis, Diospa Palabrantam mas valoranki y cada junaqmi yachakïta munanki (1Pë 2:2).
¿IMATATAQ RIKÄTSIKUN DANIEL LIBRUPA 7 KAQ CAPÏTULUNCHÖ MANTSANËPAQ ANIMALKUNA?
JUK TAPUKÏ:
¿Imanötaq Daniel 7:8, 24 textu cumplikarqan?
YAPËCHÖ YACHAKUNÄPAQ:
Revelacion librupa 13 kaq capïtuluchö mantsanëpaq animalkunaqa, ¿imatataq rikätsikuyan?