Alli yachatsikoq kë: JW.ORG päginata utilicëta yachakï

¿IMANIRTAQ PRECISAN? Yachatsikunantsikpaq publicacionnintsikkunachöqa llapanchömi jw.org pägina yurin. Awmi, jw.org tarjëta y ¿Mëchötaq tarishwan precisaq tapukïkunapa respuestanta? nishqan tratädupis jw.org päginaman yëkuyänampaqmi yanapakun. Tsë päginawanmi yachatsikunantsikpaq publicacionkunata corrëunkunaman apatsita puëdintsik y kikinkuna yëkuriyänampaqpis. Këqa juk idiömata parlaq nunakunata yachatsinapaqnäqa masraqmi yanapakun. Höraqa yachatsikunantsikpaq publicacionkunachöqa, manam tapukïninkunapa respuestankuna kantsu. Tsëmi jw.org päginantsikta alli utilicëta yachakunantsik, tsënöpa alli yachatsikoq kanapaq.

¿IMANÖTAQ RURASHWAN?

• 

  “PUBLICACIONKUNA” nishqanwan yachatsikï. Wamrankunata imanö wätanampaq kaqta mana musyarnin yarpachakïkaq teytawan parlarninqa, PUBLICACIONKUNA > AKRASHQA YACHATSIKÏKUNA nishqanmanmi yëkurinëki.

• “PUBLICACIONKUNA” nishqanwan yachatsikï. Mëqan jövinllapis colegiunchö yanaqinwan parlëkarnin, Jövinkunapa 10 tapukïninkunapa respuestan nishqan follëtuta rikäratsita munarqa, PUBLICACIONKUNA > LIBRUKUNA & FOLLËTUKUNA nishqanmanmi yëkurinman.

• “NOQAKUNAPITA MUSYARI” nishqanwan yachatsikï. Trabajaq mayikiwan parlëkarnin religionnikipita maslla yacharatsita munarqa, NOQAKUNAPITA MUSYARI > JEHOVÄPA TESTÏGUNKUNAPITA MUSYARI nishqanmanmi yëkurinëki.

JW.ORG PÄGINATA UTILICËTA YACHAKÏ NEQ VIDEUTA RIKÄRIR, PENSARI KË CÄSUKUNA KAPTIN INTERNET PÄGINANTSIKCHÖ MËQAN KAQMAN YËKUNËKI PRECISANQANTA:

• Diosman mana creeq nunata parlapänëkipaq.

• Desgraciapa pasëkaqkunata shoqanëkipaq.

• Diospa kaqchö qelanashqa wawqita yanapanëkipaq.

• Religionnikichö imatapis rurayänampaq qellë mëpita yarqunqanta entienditsikunëkipaq.

• Nacionninchö reunionkunaman ëwëta munaq nunata yanapanëkipaq.