“Jehoväpaq juk alli qarë”

¿Imanötaq Jehoväta makintsik junta qarashwan? (1Cr 29:5, 9, 14). Täranqantsik markächö o juk nacionkunachö karpis Jehoväpa testïgunkunaqa imëkatam rurantsik. Tsëmi kananqa rikärishun qellënintsikwan imanö yanapakïta puëdinqantsikta.

CÄJAKUNAMAN QELLËNINTSIKTA WINANQANTSIK O INTERNETPA QELLËNINTSIKWAN YANAPAKUNQANTSIKQA KËKUNAPAQMI YANAPAKUN:

• 

  MË TSËCHÖ IMËKATA RURAYÄNAMPAQ

  Betel wayita y traduciyanqan oficïnakunata rurayänampaq y tsëchö gastukunapaq

  Diospita yachakuyänampaq tukï escuëlakunapaq

  llapan tiempunkunawan sirweqkunapaq

  desgraciakuna pasakuptin yanapakuyänampaq

  videukunata y papelchö o jukkunachö karpis publicacionkunata rurayämunampaq

• 

  CONGREGACIONCHÖ GASTUKUNAPAQ

  Salonkunata altsayänampaq, yakupita y luzpita pagakuyänampaq

  congregacionkunachö qellëninkunawan yanapakuyanqanta sucursalkunaman apatsiyanqanqa këkunapaqmi:

  • më tsëchö Salonkunata y Asamblëakunapaq localkunata rurayänampaq

  • më tsëchö imallapis kariptin pagakuyänampaq

  • entëru Patsachö imëkata rurayanqankunapaq

JATUN ASAMBLËAKUNAPAQ Y JUK JUNAQ ASAMBLËAPAQ

Jatun asamblëachö wawqi panikuna qellëninkunawan yanapakuyanqanqa entëru Patsachö rurayanqankunapaqmi. Tsë qellëwanmi këkunata rurayan: jatun asamblëakunata, juk junaq asamblëakunata y atska nacionkunapaq asamblëakunata.

Juk junaq kaq asamblëata rurayanqanchö qellëninkunata winakuyanqanqa këkunapaqmi yanapakun: asamblëakunapaq localkunata alquilanapaq, asamblëa localnintsikkunata shumaq cuidanapaq, limpiapakunapaq y wakin gastukunapaq. Wakinkunaqa itsa llapan gastunkunata pagakurirnin decidiriyanman Testïgukuna entëru Patsachö ruranqantsikkunapaq apatsita.