¿Alleqku rikantsik Diospa imanö këninta?

Juk shumaq wëtata, mëtsika qoyllurkunata y juk jatun paqtsata rikarninqa, ¿kamakoq Diosnintsikmanku raslla pensarintsik? Jehoväpa imanö kënintaqa, kamanqankunachömi cläru rikantsik (Ro 1:20). Rikanqantsikkunaman yarpachakunapaq tiemputa jorqashqaqa Dios puëdeq kanqanta, kuyakoq kanqanta, yachaq kanqanta y allita ruraq kanqantam cuentata qokuntsik; jina alläpa alli kanqantapis (Sl 104:24).

Jehovä kamanqampitaqa, ¿mëqantataq mas rikanki? Juk jatun markachö tärarnimpis, päjarukunata y montikunataqa rikantsikmi. Tsëkunata shumaq rikapakushqaqa, manam alläpa llakishqa sientikushunnatsu. Jina problëmakunapa pasarninqa, manam tsëllamannatsu yarparäkushun y Jehovä imëpis yanapamänapaq kaqmanmi mas confiakushun (Mt 6:25-32). Wamrayoq karninqa, imawampis mana igualaq Jehoväpa imanö këninta kikinkuna rikäyänampaq yanapë. Kamanqankunapita cada junaq agradecikurninqa, Jehovä noqantsikwan këkanqantam sientishun (Sl 8:3, 4).

DIOSPA ALLÄPA PUËDEQ KËNINTAM KAMANQANKUNAQA RIKÄTSIKUN: AKTSIWAN COLORKUNA NEQ VIDEUTA RIKÄRIR, KË TAPUKÏKUNATA CONTESTARIYË:

• ¿Imanirtaq tukï cläsi colorkunata rikëta puëdintsik?

• ¿Imanirtaq wakin colorkunaqa cambiayan më lädupita rikanqantsikpita?

• ¿Imanirtaq ciëluchöqa tukï colorkunata rikantsik?

• ¿Ima shumaq colorkunatataq täranqëki markachö rikanki?

• ¿Imanirtaq Dios kamanqankunata rikänapaq tiemputa jorqanantsik?