¡Valienti kashun! Ichikllachönam ushakë junaq chämunqa

¿Imanirtan valienti kanantsik? Ichikllachönam imëpitapis mas mana allikunapa pasashun, y Jehoväman confiakïqa manam fäciltsu kanqa. Tsë sufrimientukunaqa qallanqa mana alli religionkunata ushakätsir qallayaptinmi (Mt 24:21; Rev 17:16, 17). Tsë witsankunaqa ushakäyänampaq kaqtanam willakushun (Rev 16:21). Tsëmi Diospa contran churakashqa grüpu nacionkuna, ushakätsimënintsikta munayanqa (Eze 38:10-12, 14-16). Tsëta rikarmi ‘Llapanta Puëdeq Dios’ Jehoväqa pëkunata ushakätsinqa (Rev 16:14, 16). Tsëmi kananllapitana valienti këta yachakunantsik.

¿IMARAQ YANAPAMÄSHUN?

• Jehovä munanqannö kawanqantsik (Is 5:20).

• Wawqintsik y panintsikkunawan Jehoväta kushishqa sirwinqantsik (Heb 10:24, 25).

• Jehoväpa sirweqninkunata pushaqkuna nimanqantsikta cäsukunqantsik (Heb 13:17).

• Unë witsan sirweqninkunata Jehovä imanö salvanqanman pensanqantsik (2Pë 2:9).

• Jehoväman mañakunqantsik y pëman confiakunqantsikmi (Sl 112:7, 8).

¿IMAKUNA PASAKUPTINTAQ SHAMOQ TIEMPUCHÖQA VALIENTI KANANTSIK? NEQ VIDEUTA RIKÄRIR, KËKUNATA CONTESTARI:

• ¿Fäcilku karqan wawqi panikunapaq patsätsiyanqanta cäsukuy?

• ¿Wiyakoq kanapaqqa imanirtan valienti kanantsik?

• Ushakë junaq chämuptinqa, ¿imanirtan valienti kanantsik?

• 2 Crönicas 20:1-24 ninqanqa, ¿imanötan yanapamantsik Jehovä salvamänapaq kaqman confiakunapaq?