Teytakuna, wamrëkikuna mana allikunapita cuidakuyänampaq yachatsiyë

Kanan witsankunaqa yachatsikuyan alli kaqkuna mana alli kanqantam y mana alli kaqna alli kanqantam (Isa 5:20). Mëtsikaq nunakunam Jehovä melananqankunata rurayan, tsëmi wakin nunakunaqa ollqupura o warmipura mana allikunata rurakuyan. Wamrantsikkunataqa, estudiaq mayinkuna o juk nunakunam pëkunanölla mana allikunata rurayänampaq niyanman. Teytakuna, ¿imanöraq wamrëkikunata yachatsiyankiman mana allikunata mana rurayänampaq?

Jehovä mandakunqankunata yachatsiyë (Le 18:3). Y winanqanmannö yachatsiyë ollquwan warmi kakuyanqampaq Biblia ima ninqanta (Dt 6:7). Teytakuna: “¿Wamrëkikunata yachatsiyarqunkiku kuyakoq karpis imakunapita cuidakuyänampaq kaqta? ¿Yachatsishqaku kayanki imanö vistikuyänampaq kaqta? ¿Yachatsishqaku kayanki wakinkuna pëta imanö respetayänampaq kaqta? Y ¿yachatsishqaku kayanki mana alli rurëkaqkunata rikätsita munayaptin y mana allikunata rurayänampaq niyaptin imata niyänampaq kaqta?”. Tsëkunata yachatsishqa kayaptikiqa manam mana allikunaman chäyanqatsu (Pr 27:12; Ec 7:12). Jehovä Dios wamrantsikkunawan bendicimanqantsikpita agradecikunqantsiktaqa rikätsikuntsik, pëkunata shumaq yachatsirmi (Sl 127:3).

ALLI TSARÄKOQ WAYITA SHARKATSISHUN. ‘MANA ALLI KAQKUNAPITA’ WAMRANTSIKKUNATA CUIDASHUN NEQ VIDEUTA RIKÄRIR, KË TAPUKUYKUNATA CONTESTË:

• 

  ¿Imanirtan wakin teytakunapaqqa fäciltsu penqënimpaq y oqllanakuy asuntupaq wamrankunata parlapë?

• 

  ¿Imanirtan teytakunaqa wamrankunata, ‘Jehovä munanqannö alli portakuyänampaq yachatsiyänan y atikayänan’? (Ef 6:4).

• 

  ¿Imanötan teytakunata Jehovä yanapan wamrankunata shumaq yachatsiyänampaq? (w19.05 päg. 12).

• ¿Imanirtan teytakunaqa wamrankunawan parlayänan manaraq problëmakunaman chäyaptin?