BIBLIAPITA ALLI YACHAKUNAPAQ

Jehoväqa sirweqninkunatam shumaq yanapan

[Nümerus librupita yachakuy neq videuta churari].

Israelïtakunaqa kima o kimsa kastakuna juntakëkurmi täräyaq (Nü 1:52, 53; w94-S 1/12 päg. 9 pärr. 4).

Israelïtakunaqa 3 millonpitapis maschi kayarqan (Nü 2:32, 33; it-1-S päg. 403 pärr. 1).

Jehoväqa imatapis shumaq patsëkatsir sirweqninkuna adorayänantam munan. Tsëmi israelïtakuna imanö sirwiyänampaq shumaq patsätsirqan, tsënöllam kanan witsampis sirweqninkunata yanapëkan (1Co 14:33, 40).

Cada familia mëchö täräyänampaq plänu. Chöpichömi Diospa sagrädu toldu wayin këkan. Y tsë lädunchömi Levï kastakuna këkäyan, inti yarqamunan läduchönam Aaronpa kastankuna këkäyan, cohatïtakunanam ura läduchö këkäyan, guersonïta kastakunam inti jeqanan läduchö këkäyan y merarïta kastakunanam uma läduchö këkäyan. Mas karuchönam Israelpa 12 kastankuna këkäyan: inti yarqamunan läduchönam: Isacar, Judä y Zabulon këkäyan; ura läduchönam Gad, Ruben y Simeon këkäyan; inti jeqanan läduchönam Benjamin, Efrain y Manases këkäyan, y uma läduchönam Neftalï, Dan y Aser këkäyan.

¿Imanötan llapan puëdinqantsikmannö Jehoväpa markanchö yanapakushwan?