Jehoväqa kuyamarnintsikmi consejamantsik

Alli portakunapaqqa pillapis shumaq corrigimarnintsikmi yachatsimantsik. Y Jehoväqa pë munanqannö sirwinapaqmi shumaq consejamantsik, yachatsimantsik y corrigimantsik (Ro 12:1; Heb 12:10, 11). Hörataqa alli portakunapaq corrigimanqantsikqa manam kushikuypaqtsu, peru wiyakurqa allim kawakushun y Jehoväpis bendicimäshunmi (Pr 10:7). Shumaq portakunampaq pitapis consejarninqa, ¿imanötan consejashwan? Y wiyakoq kaqqa corrigiyaptin, ¿imanötan chaskikunman?

Willapäkoqkuna o consejakoqkuna. Creikoqkunata rikaq wawqikuna, teytakuna y wakinkunaqa Jehovänömi kuyakuywan pitapis alli portakuyänampaq yachatsiyan (Jer 46:28). Y kuyarninmi höraqa sinchipapis corrigiyänan y consejayänan (Tït 1:13).

¿Imanötan consejamashqa wiyakushwan? Pillapis alli portakunapaq consejamashqaqa, tsë höram wiyakurnin cäsukunantsik (Pr 3:11, 12). Llapantsikpis jutsasapa karninmi consejamänata y corrigimänata wanantsik. Bibliata leyinqantsik höra o reunionkunachömi alli portakunapaqqa consejamantsik. Creikoqkunata rikaq wawqikunam hörataqa alli portakunapaq corrigimantsik y consejamantsik. Tsënö corrigimanqantsikkunata y consejamanqantsikkunata wiyakurqa kushishqam imëyaqpis kawakushun (Pr 10:17).

JEHOVÄQA KUYANQAN KAQKUNATAM CORREGIN NEQ VIDEUTA RIKÄRIR, KË TAPUKUYKUNATA CONTESTË:

• 

  Cänonqa wamra kar, ¿imanötan kawakurqan y tsëpitaqa imatan pasakurqan?

• 

  ¿Imanötan Jehoväqa corrigirqan?

• 

  ¿Imatatan yachakuntsik Cänonpita?