Jehovä Dios yanapashunëkipaq mañakuy

Nunakuna Bibliapita yachakuyanqan shonqunkunaman chänampaqqa Jehovä Diosmi yanapan (1Co 3:6-9). Tsëmi Bibliata yachakuykaqkunata y noqantsikta Jehovä yanapamänapaq kaqman confiakunantsik.

Bibliata yachëkätsinqëki nuna mana allikunapa pasar alli tsarakunampaq Jehoväman mañakuy (Flp 1:9, 10). Llapan ruranqantsikchö y pensanqantsikchö Jehovä yanapamänapaq mañakushun (Lü 11:13). Bibliapita yachakuykaqkunata yachatsi Teyta Diosman imanö mañakuyänampaq kaqta. Mañakunqëki höra Bibliapita yachëkätsinqëkipaq mañakuy.

DIOSTA SIRWIYÄNAMPAQ NUNAKUNATA YANAPARQA KUSHISHQA KASHUN, JEHOVÄ YANAPAMÄNATA CHASKIKURMI: MAÑAKUY NEQ VIDEUTA RIKÄRIR, KË TAPUKUYKUNATA CONTESTË:

• Rösata yachatsinqanchö, ¿imakunapatan Rïta pasarqan?

• 1 Corintius 3:6 textuqa, ¿imanötan Rïtata yanaparqan?

• Rïtataqa, ¿imatan yanaparqan tsë problëmata altsanampaq?