Jehoväman y Jesusman mas markäkuyänampaq Kushishqa kawakushun neq libruwan nunakunata yachatsishun

Bibliapita yachakuykaqkuna Dios munanqannö kawakuyänampaqqa pëmanmi markäkuyänan o yärakuyänan (Heb 11:6). Nunakunapa shonqunkunaman chänapaqqa Kushishqa kawakushun neq librum yanapamäshun. Kë libruchöqa alli akrashqa textukuna, shumaq tapukuykuna, shumaq dibüjukuna y videukunam kan. Bibliapita yachakuykaqkuna Jehovä munanqannö kawakuyänampaq y pëwan amïgu kayänampaq yanaparqa, mana allikunapa pasar alli tsarakuyänampaqmi yanapashun (1Co 3:12-15).

Wakin nunakunaqa Diosta mana rikarmi amïgun këta mana puëdiyanqanta pensayan. Tsëmi Jehoväta reqiyänampaq y pëman confiakuyänampaq yanapanantsik.

“KUSHISHQA KAWAKUSHUN” NEQ LIBRUWAN JEHOVÄMAN MARKÄKUNAMPAQ PÏ MËTA YANAPË NEQ VIDEUTA RIKÄRIR, KË TAPUKUYKUNATA CONTESTË:

• Kë videuchö rikanqantsik paniqa, ¿imanötan alli preparakurqan Bibliapita yachatsikunampaq?

• Isaïas 41:10, 13 ninqampita Bibliapita yachakuykaq mas parlakunampaqqa, ¿ima tapukuykunatatan pani rurarqan?

• Videuta rikanqan y Bibliata leyinqanqa, ¿imanötan Bibliapita yachakuykaqta yanaparqan?

Mëtsikaq nunakunam salvamänantsikrëkur Jesus wanunqanta alli entiendiyantsu (Gäl 2:20). Tsëmi Jesus noqantsikrëkur wanunqanman markäkuyänampaq o yärakuyänampaq yanapanantsik.

“KUSHISHQA KAWAKUSHUN” NEQ LIBRUWAN JESUSMAN MARKÄKUNAMPAQ PÏ MËTA YANAPË NEQ VIDEUTA RIKÄRIR, KË TAPUKUYKUNATA CONTESTË:

• Kë videuchö rikanqantsik wawqiqa, ¿imanötan alli preparakurqan Bibliapita yachatsikunampaq?

• “Masta yachakuy” neqtaqa, ¿imanötan utilizarqan Bibliapita yachakuykaqta yanapanampaq?

• Diosman mañakunqantsikqa, ¿imanötan Bibliapita yachakuykaqta mas yanapanqa?