BIBLIAPITA ALLI YACHAKUNAPAQ

Jehoväqa tsë wayimanmi imëpis yarparëkänan karqan

Templupaq parlarmi Jehovä kënö nirqan: ‘Ruratsinqëki wayitaqa akrarqö animalkunata pishtëkur imëpis tsëchö noqapaq rupatsiyänëkipaqmi’ (2Cr 7:11, 12).

Jehoväqa ‘kë wayiman imëpis yarparëkäshaqmi’ nirqa, tsë akranqan wayichö imakunata rurayanqanta rikëkanqampaqmi parlëkan (2Cr 7:16; w02-S 15/11 päg. 5 pärr. 1).

Israelïtakuna Jehovä mandakunqankunata mana cäsukur sirwita dejariyaptinqa, Jehoväqa templuta ushakätsiyänantam permitinan karqan (2Cr 6:14; 7:19-21; it-2-S päg. 1098 pärr. 3).

Wawqi panikuna Jehoväta sirwikäyanqampita fötukuna. 1. Juk wawqim Diosman mañakuykan. 2. Juk panim reunionchö tapukayämunqanta parlakuykan. 3. Juk wawqim warminwan Diospita yachatsikuykan. 4. Juk wawqim reunion ushariptin limpiapakuykan. 5. Juk wawqim warminwan y ishkë wamrankunawan Diospita yachakuykäyan. 6. Juk panim Bibliata leyikan. 7. Juk panim reunionman ëwanqanchö cäjaman qellëninta churakuykan.

Templuta inauguraskiyaptinmi israelïtakunaqa pensayarqan templuchö Jehoväta imëpis kushishqa sirwiyänampaq kaqta. Peru ichikllapa ichikllapam Jehoväta kushishqa sirwita dejariyarqan.

KËMAN PENSË: ¿Imanötan llapan shonquykiwan Jehoväta adoranqëkita rikätsikunkiman?