DIOSNINTSIKTA ALLI SIRWINAPAQ
Abusapäyäshuptikiqa Jehoväman confiakuy
Pïmë nunakunam Burlapäyaptin y abusapäyaptin alläpa sufriyan. Höraqa creinqantsikkunapita burlakur michäkuyaptinqa, Jehoväwan amïgu kanqantsikpis ushakärinmanmi. ¿Imatataq rurankiman qampita burlakuyaptin y abusapäyäshuptiki?
Jehovä Diosqa mëtsikaqtam yanapashqa burlapäyaptin y abusapäyaptimpis valienti kayänampaq y alli tsarakuyänampaq (Sl 18:17). Esterqa valienti karmi, Haman jutiyoq nuna Diospa sirweqninkunata ushakätsinampaq patsätsipakunqanta musyatsikurqan (Est 7:1-6). Peru puntataqa ayünuta rurar y mañakurmi Jehovä yanapanampaq kaqman confiakunqanta rikätsikurqan (Est 4:14-16). Tsënö ruranqampitam Jehoväqa bendicirqan, y pëta y llapan judïukunatam salvarqan.
Jövin, pipis qampita burlakuyta y abusapäshuynikita munaptinqa Jehoväman mañakuy yanapashunëkipaq, y papänikikunata o piman mas confiakunqëkita willë. Esterta yanapanqannölla qamtapis Jehovä yanapashunëkipaq kaqman confiakuy. ¿Ima mastataq rurankiman pipis qampita burlakuptin y abusapäshuptiki?
JÖVIN KANQÄ WITSAN: ¿IMATATAN RURÄMAN ALLÄPA ABUSAPÄYÄMAPTIN? NEQ VIDEUTA RIKÄRIR, KËKUNATA CONTESTË:
¿Imatataq Charliepita y Ferinpita jövinkuna yachakuyanman?
¿Imatataq papäkuna yachakuyanman kë videupita?