DIOSNINTSIKTA ALLI SIRWINAPAQ
¿Imatataq rurëkä Jehoväpa sirweqninkunapaq allita parlayänampaq?
Testïgukuna imata rurayanqantapis nunakunaqa rikarëkäyanmi (1Co 4:9). Tsëmi këman pensanantsik: “Parlakunqä y ruranqäkunaqa, ¿Jehoväta alabayänampaqku yanapakun?” (1Pë 2:12). Jehoväpa testïgunkunaqa imëpis alli portakuyänampaqmi kallpachakuyashqa, tsëmi mana alli portakurnin Jehoväpa sirweqninkunata mana allichö quedatsita munantsiktsu (Ec 10:1).
Bibliachö këkaq mëqan textukuna kë cäsukunachö imanö yanapashunëkipaq kaqta qellqë:
Mana Testïgu nuna o warmi imëkata qayapäshuptiki.
Röpëki, cärruyki o wayiki mana limpiu o mana altsashqa kaptin.
Markëkichö gobiernukuna mandakuyanqan leykuna fäcil mana cumplinan kaptin.
Yachakunapaq kaqta averiguaqkunaqa, ¿imatataq rurayan Jehoväpa sirweqninkuna respetashqa kanampaq?
RASUMPA KAQTAM ALLÄPA RESPETAYÄ NEQ VIDEUTA RIKÄRIR, KËTA CONTESTË:
Revistantsikkunachö y libruntsikkunachö rasumpa kaqllata willakayämunampaq alli averiguayanqanta musyanqëkiqa, ¿mëqantan mas gustashunki?