¡Ama chikikoq kashuntsu!

Qamta mana chikiyäshushqa kayaptimpis, capaz rikarqunki jukkunata alläpa chikiyanqanta. Televisionchö y radiuchö yarqamoq noticiakunachöqa rikantsik juk nacionpita kaqkunata, juk color kaqkunata y warmi këkar ollqu këta munaqkunata y ollqu këkar warmi këta munaqkunata alläpa chikiyanqantam. Tsëkuna mana pasakunampaqmi gobiernukunaqa leykunata patsätsiyashqa.

Nunakuna chikinakuyanqanqa mas chikinakuymanmi chätsikun. Pipis chikishqa karqa vengakuytam imëpis ashin, tsëmi chikinakuyanqanqa ushakantsu.

Capazchi juk nacionpita o juk color kanqëkipita qampitapis burlakuyashqa o imatapis rurayäshunëkipaq niyäshurqunki. Peru chikinakuyqa mas mana allimanmi chätsikun. Mëtsikaq nunakunapitam burlakuyan, maqayan, violayan y mëtsikaqtam wanutsiyan.

Kë revistachömi yachakushun chikikoq këta dejëta puëdinqantsikta y këkunatapis yachakushunmi:

• ¿Imanirtan nunakunaqa alläpa chikinakuyan?

• ¿Imanötan pitapis chikinqantsikta ushakätsishwan?

• ¿Imëllapis ushakanqatsuraq chikinakuy?