¿Jehoväpa testïgunkunaqa Jesucristuman creiyanku?

Awmi, Jesucristuman creiyämi. Kikin Jesucristum kënö nirqan: “Noqam näni, rasumpa kaq y kawë kä. Mana noqawanqa, manam ni pipis Teytaman shamïta puëdintsu” (Juan 14:6). Jesucristuqa jutsapita salvamänapaqmi ciëlupita kë Patsaman shamurqan (Mateu 20:28). Noqantsikrëkurmi wanurqan y kima (kimsa) junaqtam kawarirqan. Kananqa ciëluchönam këkan y mandakoqmi tikrashqa. Tsëmi ichik tiempullachöna imëka mana allikunata y jutsata ushakätsimunqa, tsënöpa yamëna y mana wanushpana kawakunapaq (Juan 3:16; Revelacion [Apocalipsis]11:15). Kikin Jesucristum, “Teytaqa noqapita mas puëdeqmi” nirqan (Juan 14:28). Tsënöqa nirqan Teytan pëpita mas puëdeq kaptinmi, tsëmi noqakunaqa Jesucristuta adorayätsu.