¿Imanirtan Jehoväpa testïgunkunaqa Diosta adorayänampaq cruzta utilizäyantsu?

Atskaq nunakunam niyan cruzqa cristiänu kayanqanta rikätsikunqanta. Peru cristiänu karpis, Jehoväpa testïgunkunaqa manam cruzta utilizäyätsu ni adorayätsu. ¿Imanirtan tsëta rurayätsu?

Puntataqa, manam Bibliachö nintsu Jesus cruzchö wanunqanta sinöqa qeruchö wanunqantam. Y cristiänu kaqkunatam cläru kënö nin: “Santukunata adorëpita cuidakuyë”. Diosta adorar cruzta utilicëqa santukunata adorënömi (1 Corintius 10:14; 1 Juan 5:21).

Jesuspis cristiänu kaqkunata imanö reqiyänampaq kaqta willakurmi kënö nirqan: “Tsënömi llapankuna musyayanqa qatimaqnïkuna kayanqëkita, jukniki juknikikuna kuyanakuyaptiki” (Juan 13:34, 35). Awmi, manam cruzta o maskunata katsiyanqampitatsu rasumpa cristiänukunataqa reqiyan, sinöqa nuna mayinkunata kuyayanqampitam.