Nöta

a Daniel 2:41-45: “Rikanqëkinömi, chakinkuna y dëdunkunaqa wakinqa mitupita y wakinqa hiërrupita rurashqa karqan, tsëmi reinuqa rakikashqa kanqa, tsënö karpis hiërruyoq karmi ichik sinchiraq kanqa, porqui rikarqëkim hiërrutawan mituta tallushqata. Y chaki dëdunkuna wakinqa hiërrupita y wakinqa mitupita kanqanqa rikätsikun, reinuqa juk lädupaqa sinchi kanqanta peru juk lädupaqa pakinarëkaqlla kanqantam. Hiërruwan mitu tallushqata rikanqëkiqa rikätsikun, nunakunapa tsurinkunawan tallukashqa kanampaq kaqtam, peru tsënö karpis manam alleqllaqa laqakäyanqatsu, hiërruwan taqllashqa barru mana laqakäyanqannö. Tsë gobiernukunapa tiempunchömi, ciëluchö këkaq Dios, mana ushakaq gobiernuta churanqa. Tsë gobiernupa rantinqa mananam jukqa yëkunqanatsu. Y chipyëmi ushakätsinqa tsë llapan gobiernukunata, y kikinllanam imëyaqpis kanqa; porqui rikarqëkim, makipa mana pakishqa këkar, jirkapita juk rumi pakikärir hiërruta, cobrita, taqllashqa mituta, plätata y öruta chipyëpa ushakätsinqanta. Kikin jatun Diosmi reyta musyatsishqa tsëpita ima pasakunampaq kaqta. Tsë sueñu y ima ninan kanqanqa, markäkïpaqmi [yärakuypaqmi]”.