Nöta

b Josuë 22:9-12: “Tsëpitanam Ruben kastapita nunakuna, Gad kastapita nunakuna y Manases kastapita pullan kaq nunakunaqa, Canaan markachö këkaq Silö sitiuchö israelïtakunawan këkäyanqampitam Galaad markaman kutikuyarqan, porqui tsëchömi Moisesqa chakrankuna qoshqa karqan Jehovä mandakunqannö. Y Canaan markachö Jordan mayu kaqman chärirmi Ruben kastapita nunakuna, Gad kastapita nunakuna y Manases kastapita pullan kaq nunakunaqa juk jatun y espantëpaq altarta rurariyarqan. Tsëpitanam wakin israelïtakunaqa kënö niyanqanta wiyariyarqan: ‘¡Rikäyë! Ruben kastapita nunakuna, Gad kastapita nunakuna y Manases kastapita pullan kaq nunakunaqa, Jordan mayu kinrëchömi juk altarta rurayashqa, tsëqa wakin kaq kasta israelïtakunata qoyanqan lädu chakrakunachömi këkarqan’. Tsëta wiyëkurnam wakin kaq kasta israelïtakunaqa, Silöchö juntakäriyarqan pëkunawan pelyaq ëwayänampaq”.