Nöta

b Levïticu 25:8-12: “Säbadu wata nir reqishqatam qanchista yupanëki, qanchis kuti qanchis watakunata, y tsë säbadu watakunaqa 49 watakunam kanqa. Tsënam qanchis kaq killapa chunka kaq junaqninchö waqrata waqatsinëki; Jutsapita Pagakuyänëki Junaq, entëru markëkichömi waqrata waqatsiyanqëki wiyakänan. 50 kaq watatam sagrädupaq churayänëki y llapankuna libri tikrariyanqantam willakuyänëki. Llapëkikunapaqmi Libri Tikrayänëki Wata kanqa, y cada ünutam kikikikunapa kaqta kutitsiyäshunki y cada ünum familiëkikunaman kutiyanki. 50 kaq watam, Libri Tikrayänëki Wata kanqa. Manam murukuyänëkitsu ni manam gränukunapita shikwar kikinlla winanqankunapita ni manam mana wallupäyanqëki üvasnikikunapita wayunqantaqa ëlluyänëkitsu. Tsë wataqa Libri Tikrayänëki Watam. Qamkunapaqqa sagrädum kanqa. Chakrakunachö kikinlla wayunqankunallatam mikuyänëki”.