Nöta

d Ezequiel 34:11-16: “TEYTA DIOSMI nin: ‘Kikïmi üshäkunata ashïkur ëllumushaq. Oqrakashqa üshankunata mitsiq nuna ashishqannömi noqapis üshäkunata ashishaq. Pukutëchö tutapäpukur pantakar mëpa ëwayashqa kayaptinpis ëllumushaqmi. Jinantin markakunapitapis y nacionkunapitapis ëllumushaqmi. Kikinpa nacionninman kutïkatsimurmi Israel nacionpa jirkankunachö shumaq mitsishaq. Mayukunapa nöpan chakrakunachömi y mëchöpis nunakuna täräyashqanchömi pëkunata katsishaq. Israel nacionpa jirkankunachömi alli qewakunachö mitsishaq. Tsëchö pacha junta mitsirirmi alli kanchachö punutsishaq. Mana mantsakuyänanpaqmi kikï täpashaq’. TEYTA DIOSMI tsënö nin. ‘Oqrakaqkunatapis ashi ashïkurmi kanchanman ëllumushaq. Chakinkuna pakishqa kaptinpis jampirmi watäpushaq. Uyuyaqkunatapis kachinman jampita takurkurmi qarashaq. Pëkunata alli rikarpis wira kaqkunataqa y kallpayuq kaqkunataqa ushakätsishaqmi. Rurayanqanmannömi juzgashaq’”.