Nöta

a 1 Samuel 19:1-6: “Saulqa wamran Jonatanta y wakin sirweqninkunatam nirqan Davidta wanutsinampaq kaqta; peru Jonatanqa Davidtam alläpa kuyarqan. Tsëmi Davidta kënö nirqan: ‘Teytä Saulmi wanutsishunëkipaq jurëkäshunki. Kananqa mäkoq mäkoqlla këkë y warë qoya ratakïkanqëkillachö quedakï. Noqaqa teytäwanmi yarquyäshaq y ratakïkanqëkipam këkäyäshaq, tsëchömi teytäta qampaq parlapäshaq’. Ninqannömi Jonatanqa Davidpa biennin teytanta parlaparqan y kënömi nirqan: ‘Papä, imanirtaq wanutsita munanki sirweqniki Davidta, pëqa manam mana allitaqa imatapis qampaq rurashqatsu, antis allillatam rurashqa. Kawëninta peligruman churarmi jatungarë filisteu nunata wanutsirqan. Tsënömi Jehovä salvarqan Israel markata. Kikikipis tsëtaqa rikarqunkim y kushikurqëkim, tsëqa, ¿imanirtaq Davidta wanutsita munanki? Pëqa manam ima jutsatapis rurashqatsu’. Tsëmi Saulqa Jonatan llapan ninqanta wiyarir kënö nirqan: ‘Jehovä Diospa jutinchömi jurä Davidtaqa manam wanutsishaqtsu’”.