Jehovämi imëpis cuidaman

1. Jehovämi cuidëkäman.

Pëqa salvamanmi.

Jehovämi makillanwan

shumaq apëkäman.

Pëllamanmi markäkullä.

Alläpam Pëqa kuyaman.

Jehovällam imëyaqpis

mana jaqipa cuidaman.

2. Atskaqmi ishkikäyan

ushakë tiempuchö.

Llapanta Puëdeq Teyta,

kallpä qoykallämë.

Imëpis cuidamaptikim

ni imata mantsänatsu.

Jehoväpa kallpanwanmi

imëkachö tsarakushaq.

3. Imëpis cuidallämë

mana allipita.

Imëka trampapita

qamlla librëkamë.

Tsapëkullë shonqulläta

mana alli munëpita.

Kuyakoq Teyta Jehovä,

llapan junaq cuidëkamë.