• “Mëtam ëwanki, tsëtam ëwashaq”
    Pëkunapita yachakushun

    • 16-18. a) ¿Imata nirtaq Rutqa suegranta alläpa kuyanqanta rikätsin? b) ¿Imata ruranampaqtaq churakan suegranta alläpa kuyar? (Rutwan Noemï këkäyanqan dibüjutapis rikäri.)

      16 Rutqa shonqupita patsëmi suegran Noemïta y Jehoväta kuyan. Tsëmi imata ruranampaq kaqtapis cläru musyan. Ishkanllana këkarmi Noemïta rikëkur kënö nin: “Ama jaqirinaqta munar tsënö nimëtsu, manana yanaqänaqpaq. Mëtam ëwanki, tsëtam ëwashaq, y mëchöpis pununqëkichömi punushaq. Markëkim, markä kanqa, y Diosnikipis, Diosnïmi kanqa. Wanunqëkichömi noqapis wanushaq, y tsëchömi pampakäshaq. Y tsëta o mastapis Jehovä ruramätsun wanïraq qampita mana rakimaptinqa” (Rut 1:16, 17).

      Rut, “mëtam ëwanki, tsëtam ëwashaq” nikan Noemïta

      “Markëkim, markä kanqa y Diosnikipis, Diosnïmi kanqa”

      17 ¡Imanö shumaqmi tsënö ninqanqa! Tsëmi 3.000 watakunanöna pasarishqa kaptimpis, Rut tsënö ninqantaqa kananyaqpis pï më yarpëkäyanlla. Këqa rasumpa kuyakï imanö kanqantam rikätsikun. Noemïta alläpa kuyarninmi Rutqa ni imëpis mana jaqinampaq y mëta ëwaptimpis yanaqänampaq churakan. Wanïran pëpita rakinan karqan. Rutqa Noemïpa markanchö yachakänampaq y Moab nacionchö imëkanta, hasta diosninkunatapis jaqirinampaqmi listu këkan. Manam Orpänötsu, antis shonqupita patsëmi Noemïpa Diosninta sirwita munan.a

  • “Mëtam ëwanki, tsëtam ëwashaq”
    Pëkunapita yachakushun

    • a Rutqa manam juk nacion nunakunanötsu “Dios” nirqanlla, sinöqa Jehovä nirmi Diospa jutinta utilisarqan. Juk Bibliachömi kënö nin: “[Noemïta] mana imëpis jaqinampaq awnir [Yavë o Jehovä] jutita utilisarqa, Israel markapitana kanqantam Rutqa rikätsikun” (La Biblia, Salvatore Garofalopa; noqakunam quechuaman tikratsiyarqö).