-
“Mëtam ëwanki, tsëtam ëwashaq”Täpakoq 2012 | 1 Octubri
-
-
Rutqa shonqupita patsëmi suegran Noemïta y Jehoväta kuyaq. Tsëmi claro musyan imata ruranampaq kaqta. Noemïpa nawinman rikëkurmi kënö nin: “Ama dejarinaqta munar tsënö nimëtsu, manana yanaqänaqpaq. Mëtam ëwanki, tsëtam ëwashaq, y mëchöpis pununqëkichömi punushaq. Markëkim, markä kanqa, y Diosnikipis, Diosnïmi kanqa. Wanunqëkichömi noqapis wanushaq, y tsëchömi pampakäshaq. Y tsëta o mastapis Jehová ruramätsun wanïraq qampita mana rakimaptinqa” (Rut 1:16, 17).
¡Imanö shumaqmi këta ninqanqa! 3.000 watakunanam pasarishqa Rut tsënö ninqampita, pero kananyaqmi pï më yarpäyan. Këqa rasumpa kuyakï imanö kanqantam rikätsikun. Noemïta alläpa kuyarninmi Rutqa mana reqinqan markaman ëwakurqan. Wanïran pëpita rakinan karqan. Rutqa Noemïpa markanchö yachakänampaq y Moab nacionchö imëkanta, hasta diosninkunatapis dejarinampaqmi listo këkarqan. Manam Orpänötsu karqan, antis shonqupita patsëmi Noemïpa Diosninta sirwita munarqan.b
-
-
“Mëtam ëwanki, tsëtam ëwashaq”Täpakoq 2012 | 1 Octubri
-
-
b Rutqa manam juk nación nunakunanötsu “Dios” nirqanlla, sinöqa Jehová nirmi Diospa jutinta utilizarqan. Juk Bibliachömi kënö nin: “[Noemïta] mana imëpis dejanampaq awnir [Jehová] jutita utilizarqa, Israel markapitana kanqantam Rutqa rikätsikun” (La Biblia, Salvatore Garofalo traducitsinqan).
-