LLAPAN LEYINA KAQ Watchtower
Watchtower
LLAPAN LEYINA KAQ
Quechua (Ancash)
  • BIBLIA
  • RURAYÄMUNQÄKUNA
  • REUNIONKUNA
  • lff 58 kaq yachakunëkipaq
  • Jehoväta imëpis sirwi

Këchöqa manam videu kantsu

Imanöparaq manam kë videu kichakämushqatsu.

  • Jehoväta imëpis sirwi
  • ¡Manana wanurmi kushishqa kawakushun! Bibliapita shumaq yachakunapaq libru
  • Subtïtulukuna
  • Jukchö tsëpaq parlaq
  • MASLLA YACHAKUSHUN
  • KËTAM YACHAKURQUNKI
  • MASTA YACHAKUY
  • Mana alli religionkunachöqa Diosnintsiktam mana allichö quedatsiyan
    ¡Manana wanurmi kushishqa kawakushun! Bibliapita shumaq yachakunapaq libru
  • ¿Imataq mana alli kaq religionta pasanqa?
    Diospa alli willakïninkuna
  • Ama yaskishuntsu falsa religiontaqa
    Diospa amigon kashwanmi
  • Jehoväta kuyanqantsikta rikätsikushun
    ¡Manana wanurmi kushishqa kawakushun! Bibliapita shumaq yachakunapaq libru
¡Manana wanurmi kushishqa kawakushun! Bibliapita shumaq yachakunapaq libru
lff 58 kaq yachakunëkipaq
58 kaq yachakunëkipaq. Asamblëankunaman juk wawqi familianwan ëwëkäyaptinmi Jehoväpa contran churakashqakuna imëka mana allikunata nikäyan, peru pëkunaqa tranquïlullam pasakuykäyan.

58 KAQ YACHAKUNËKIPAQ

Jehoväta imëpis sirwi

Imprimishqa kaq
Imprimishqa kaq
Imprimishqa kaq

Jehoväpa sirweqninkunaqa manam permitiyätsu ni imapis Jehoväta sirwiyänäta michäyämänanta. Segürum këkäyä qampis Teytantsik Jehoväta mana dejëpa sirwinëkipaq kaqta, y tsëtaqa Jehovä alläpam valoran (leyi 1 Crönicas 28:9). Peru ¿imakunatan Jehoväta sirwinata michämashwan? Y ¿imatataq rurashwan sirwir sïguinapaq?

1 KAQ: Jehoväta sirwinata michämarnintsik, ¿imatataq wakinkuna rurayanman?

Wakin nunakunaqa Jehoväta sirwita dejanatam munayan. ¿Pikunatan tsëtaqa munayan? Wakinqa kayan Jehoväpa contran churakashqakunam. Pëkunaqa Jehoväpa testïgunmi kayarqan, peru kananqa Jehoväpa contranmi churakäyashqa, tsëmi mana rasumpa kaqta parlayan. Tsënöllam, mana alli religionkunachö mandakoqkunapis Jehoväpa testïgunkunapaq ulikur o llullakur nunakunata mana kaqta creitsiyan. Tsëmi pëkunawanqa parlanantsiktsu, librunkunata leyinantsiktsu ni Internetchö churayämunqankunata rikänantsiktsu. Jehoväpa contran churakashqakunapaq parlarmi Jesus kënö nirqan: “Ama pëkunata cäsuyëtsu, pëkunaqa wisku pushakoqkunam kayan. Juk wisku o qapra, wisku mayinta pushaptinqa, ishkanmi jatun uchkuman jeqarkuyanqa” (Mateu 15:14).

2 KAQ: ¿Imakunapitataq cuidakunantsik Jehoväta mana dejanapaq?

Teytantsik Jehoväta kuyarmi mana alli religionkunamanqa mëtikuntsiktsu. Tsëmi cuidakunantsik trabäjuntsikchö o imata ruranqantsikchöpis mana alli religionkuna rurayanqankunaman mana mëtikunapaq. Sirweqninkunata Teytantsik Jehovä kënö ninqantam cäsukunantsik: “Tsëpita yarqukuriyë kuyë sirwimaqnïkuna”. Awmi, mana alli religionkunapitaqa yarqukunantsikmi (Apocalipsis 18:2, 4).

MASLLA YACHAKUSHUN

Jehoväta mana dejëpa sirwinëkipaq y mana alli religionkunaman imanir mana mëtikunëkipaq kaqman pensë.

3 KAQ: Mana rasumpa kaqta yachatsikoqkunapita cuidakuy

Jehoväpa sirweqninkunapaq mana allita o mana rasumpa kaqta parlayaptinqa, ¿imataraq rurashwan? Leyiyë Proverbius 14:15 ima ninqanta y këpaq parlayë:

  • ¿Imanirtan pipis imatapis nimanqantsikta creikurkunantsikpa rantin alliraq pensanantsik?

Leyiyë 2 Juan 9-11 ima ninqanta y këkunapaq parlayë:

  • Kë versïculuchöqa, ¿ima nimantsiktaq Diospa contran churakashqakunapaq?

  • Diospa contran churakashqakunawan mana parlarpis, ¿imanirtan librunkunata o Internetchö churayanqankunata rikänantsiktsu ni leyinantsiktsu?

  • ¿Imanöraq Jehovä sientikunman pëpaq o sirweqninkunapaq mana allita parlaqkunawan parlashqa?

4 KAQ: Pipis jutsata rurashqa kanqanta musyarqa willakunantsikmi

Juk wawqi o juk pani jutsata rurashqa kanqanta musyarqa, ¿imatataq ruranantsik? Moises qellqanqan Leychömi nimantsik imata ruranapaq kaqta. Leyiyë Levïticu 5:1 ima ninqanta.

Kë versïculuchö ninqannöpis, pipis jutsallakushqa kanqanta musyarqa anciänukunatam willanantsik. Peru puntataqa, tsë wawqita o panitam ninantsik jutsata rurashqa kanqanta anciänukunata willanampaq. Mana willaptinqa, noqantsikmi anciänukunata willanantsik. Levïticu 5:1 ninqanta cäsukunqantsikqa, ¿imanötan rikätsikun...

  • ... Jehoväta kuyanqantsikta?

  • ... jutsata ruraqta kuyanqantsikta?

  • ... congregacionchö wawqi panikunata kuyanqantsikta?

Juk wawqi mana allita ruraptin juk wawqi imanö yanapëkanqan dibüjukuna: 1. Juk wawqi mana allita rurashqa kanqantam juk wawqi telëfununchö mantsakashqa rikëkan. 2. Mana allita ruranqanta telëfununchö rikätsiptinmi tsë wawqiqa cölerashqa. 3. Tsë wawqi mana allita ruranqantam ishkë anciänukunata telëfununchö rikëkätsin.

Juk wawqi imatapis mana allita rurëkanqanta rikar o musyarqa, ¡imëkanöpa yanapë!

5 KAQ: Mana alli religionkunamanqa ama mëtikuytsu

VIDEUTA rikäyë.

VIDEU: ¡Mana alli religionkunapita yarqukuyë! (5:06)

‘¡Mana alli religionkunapita yarqukuyë!’ neq videuchö yarqamoq fötu. Bibliata estudiëkaq juk warmim iglesiachö manana trabajanampaq kaqta cürata nirir ëwakuykan.

Leyiyë Lücas 4:8 y Apocalipsis 18:4, 5 ima ninqanta, y kë tapukuykunaman pensë:

  • ¿Mana alli religionkunapa listanchö jutiki këkanraqku?

  • ¿Mana alli religionkuna patsätsiyanqan ima grüpullatapis yanapëkankiraqku?

  • ¿Trabäjuchö ruranqäkunawanqa mana alli religionkunata imallachöpis yanapëkäku?

  • ¿Mana alli religionkunaman imallachöpis mëtikuykäraqku?

  • Kë tapukuykunaman pensar, ¿imallachöpis cambiuta ruranëkipaq kaqta cuentata qokurqunkiku?

Imata ruranëkipaq kaqta decidirpis, alli sientikunëkipaq kaqman pensëkur decidï, y tsëtaqa Jehoväta kuyar rurë.

Juk panim wamranwan jatun tiendapita yarqëkäyämun y juk warminam religionnimpaq qellëta mañakuykan.

Mana alli religionkunata yanapanëkipaq qellëta mañakuyäshuptiki, ¿imataraq rurankiman?

WAKIN IMA NIYANQAN: “Jehoväpa contran churakashqakuna Testïgukunapaq imata parlayanqanta mana musyarqa, ¿imanöraq rasumpa kaqta defendishaq?”.

  • ¿Imanirtan tsënö pensëqa allitsu kanman?

KËTAM YACHAKURQUNKI

Jehoväta mana dejëpa sirwinapaqqa engañamënintsikta munaqkunapitam cuidakunantsik.

¿Yarpankiku?

  • ¿Imanirtan Jehoväpa contran churakashqakuna niyanqankunata wiyashwantsu?

  • Juk wawqi o pani jutsa ruranqanta musyarirqa, ¿imataraq rurashwan?

  • ¿Imatataq ruranantsik mana alli religionpita chipyëpa yarqukunapaq?

Kë rurëta procurë

MASTA YACHAKUY

Jehoväpa testïgunkunapaq mana rasumpa kaqta parlayaptin imata ruranëkipaq kaqta yachakuy.

“¿Alleqku musyantsik rasumpa kanqanta?” (Täpakoq, agostu 2018)

¿Imanötan musyashwan mana alli religionkunata pikuna yanapayanqanta?

“Ushanan junaqkunapa ushëninchö imëkata rurarnin këkäshun” (Täpakoq, octubri 2019, pärrk. 16-18)

Jehoväpa contran churakashqakuna Jehoväta dejanäta munar imata rurayanqanta rikë.

Mana rasumpa kaqta yachatsikuyanqampita cuidakushun (9:32)

Juk cüra religionninta imanir dejanqanta musyanëkipaq “Wamra kanqäpitam Diospita yachakuyta munarqä” neqta leyi.

“Bibliam yanapashqa jukläyana kawakuyänampaq” (Täpakoq, 1 de juliu 2011)

    Llapan publicacionkuna Quechua Ancash (1993-2025)
    Cuentëkita wichqë
    Cuentëkiman yëkuy
    • Quechua (Ancash)
    • Pimampis apatsi
    • Patsätsi
    • Copyright © 2025 Watch Tower Bible and Tract Society of Pennsylvania
    • Utilizänëkipaq conträtu
    • Willakunqëkikunata imanö utilizäyanqä
    • Configuración de privacidad
    • JW.ORG
    • Cuentëkiman yëkuy
    Pimampis apatsi