¿Imatataq puntaman churanki?
1 Tseno niyäshuptiki, ¿imataraq ninkiman? Llapantsikmi Diospa Reinunta puntaman chureta munantsik (Mat. 6:33). ¿Imatataq rurënintsikkuna rikätsin? Kenomi Bibliaqa nimantsik: “tantiyaye imano kikikikuna kayanqekita” (2 Cor. 13:5). ¿Imanötaq musyashun Reinuta puntaman churëkanqantsikta?
2 Tiempuntsik: Kikintsikmi rikänantsik imacho tiempuntsikta inshinqantsiktapis (Efe. 5:15, 16). ¿Eka tiemputataq inshintsik wakinkunawan parlakurnin, mana precisu kaqkunata rurarnin, televisionta rikarnin o Internetchöpis? Tse rurëkunacho eka tiempu kanqantsikta rikarqa y Jehovapa kaqwan igualatsirnenqa, mantsakashwanmi. ¿Imatapis rantita munëwanku, Jehovapa kaqta haqirintsik tsenopa más uryanapaq? ¿Eka kutitaq semana ushëkuna pasyeta munëwan, reunionta o willapäkita haqirintsik?
3 Puntaman churanqantsikkuna: Rurëta munanqantsikkunapaq manam llapantsiktatsu tiempu tinkumantsik. Tsemi, Reinuta puntaman chureqa, tiempuntsikta imacho inshinqantsikta rike y shumaq altsemi, “más precisu kaqkunata” mana haqinapaq (Fili. 1:10). Kë precisu kaqkunaqa: Diospa Palabrampita yachakimi, willapäkoq ewemi, familiata cuidemi y reunionkunamampis ewemi (Sal. 1:1, 2; Rom. 10:13, 14; 1 Tim. 5:8; Heb. 10:24, 25). Hina kë rurëkunapis allillam, ejerciciukuna rurë, y alli amigukunawan shumaq ëllukaripis (Mar. 6:31; 1 Tim. 4:8). Alli kaptimpis, manam kekunata rurëwanqa haqirishwantsu precisu kaqkunata.
4 Huk jovin wawqim puntaman churarqan Diospa Reinunta precursor regular karnin, pëqa manam akrarqantsu profesional keta. Huk idiomata yachakurïkurmi, huk markapa ewarqan Diospita más yachatsikunampaq. “Kemi más alli tiempuqa kawenïcho —nerqanmi—. ¡Diospita willapäkiqa allapa shumaqmi! Llapan jovinkuna keno rurayänantam munä, noqano kushishqa kawayänampaq. Jehovata llapan kapamanqantsikwan sirwikïnoqa manam imapis kantsu.” Jehovapa Reinunta puntaman chureqa atska bendicionkunatam apamun, tsepitapis más alliqa, cielucho Papanintsik Jehovatam kushitsin (Heb. 6:10).